*البارت الثاني : [] طحت بهواه يا هلي سموا علي []
في بيت أبو فارس :
الساعه 4 العصر
أبو فارس : يلا يا ام فارس ما خلصتوا عجلوا علينا خلونا نروح بيت امي
ام فارس : إن شاءلله يا بو فارس
طبعا جنى : كانت تحووس تجهز شنطتها
وفارس ونواف : ما يقلوون عن جنى
اما في بيت ابو الوليد :
الوليد : منسدح على سريره ويدندن
طلال : دخل الغرفه شاف الوليد يدندن وما انتبه لوجوده وقف طلال على راس الوليد وهو يناظر في وجهه
الوليد : اعوذ بالله بسم الله الرحمن الرحيم ,
طلال : فاقعها ضحك على شكل الوليد ,
طلال: وهو يضحك ليه شايف جني قدامك ,
الوليد : اقوول طس بررع لا تجييك هالأبجووره على راسك
طلال : ياخي دخلت وما انتبهت لي وش اسوي فيك
الوليد : وجع ان شاءلله يعني ما تعرف اتنح نح
طلال : مييت ضحك
الوليد : قفلت معه طلوول ضف وجهك برع قبل ما ارتكب فيك جريمه , مها : تطق الباب ,
الوليد : تفضل , مها : ما خلصتوا ابوي يقول يلا تأخرنا
طلال : يلا
الوليد : يلا جاي اسبقووني
في بيت ابو حلى :
ابو حلى يركب الأغراض في السياره
حلى : خلني أساعدك يبه ,
ابو حلى : يا جعلي ما شوف حزنك يا بنتي ,
حلى : ابتسمت لأبوها ,
نهى : جات وهي ماسكه الباسكت بول : داد ليه ما قلتلنا نشيل معك الأغراض ترى انا وحلى وغلا عن عشرة رجاجيل يبه وتغمز لأبوها وتساعد حلى
ابو حلى كان مبسووط ومتعود على استهبال نهى وبناته كانوا قريبين منه حييل .
اما في بيت أم عبد العزيز :
يالله يا ولدي مشينا
عبد العزيز : توكلنا على الله
طبعا ً تبون تعرفون وين بيروحون العايله الكريمه بيروحون لبيت الجد والجده لان كل أربعاء وخميس كل الأخوان ينامون هناك ويوم الجمعه الصبح كل واحد يرجع لبيته مع عياله ومرته ., على الساعه 5 وربع الكل كان متواجد في بيت الجد والجده
في بيت الجد والجده :
خلونا نوصفلكم أول شي بيت الجد والجده طبعا هذا بيت العايله والبيت كبيير وفي الواجهه حديقه كبيييره فيها وورد رووعه وحاطين في الحديقه مرجيحه لشخصين والجانب الثاني من الحديقه بيت شعر كبير تصميمه رووعه وراقي وفي باب ورا البيت قسم مخصووص لحوض السباحه الجد والجده عاملينه لا حفادهم . الكل داخل كانوا جالسين مع بعض ما عدا الشباب كانوا في الخيمه يلعبون تحدي على الفوتبول ويلعبون ورقه أتصل ابو فارس على جوال فارس ,
فارس : هلا يبه
ابو فارس : وينكم وراكم ما جيتوا داخل ,
فارس : يبه تدري البنات هنا لا راحوا دخلنا ,
ابو فارس : تعالوا بس جدكم وجدتكم يسألون عنكم ,
فارس : ان شاءلله يبه بقوول للشباب ,
طلال : وشفيك ؟
فارس : يقول ابوي جدي وجدتي يبونا نقعد كلنا سوا ,
نواف : حبتييين والله جدي وجدتي مافي منهم ,
الكل ضحك على دلاخة نواف .
وراحوا الشباب داخل وصار كل واحد يدز الثاني عشان يدخل ,
فارس : والله ما تنعطوون وجه ,
فارس: عبد العزيز أنت أكبرنا ادخل,
عبد العزيز : قطيتوها علي .. طيب طيب ,
عبد العزيز : احم ولد , البنات صاروا يلبسون عباياتهم ويلبسوون طرحهم , الجد : ادخلوا يا عيالي مآبه احد غريب هنا , دخل عبد العزيز ودخل وراه فارس وبعد الوليد وبعده طلال وبعده نواف وسلموا على الجد والجده وكل واحد سلم على عمه وعمته وحريم عمانهم وزوج عمتهم ,
الجد : اجلسوا يا حيالله عيالي أسفرت وانورت ,
فارس : منور بوجودكم يا جدي وصار سوالف وضحك ووناسه وفرفشه لين الساعه 9 , الشباب راحوا للخيمه والبنات راحو فوق للغرفه اللي ينامون فيها دايم , والجد وعياله وزوج بنته راحوا لمجلس الرجاجيل اللي يبعد عن مجلس الحريم والجده وحريم عيالها وبنتها صاروا يسوولفوون على راحتهم أكثر ,
عند البنات:
مشغلين المسجل شريط راشد الفارس وحاطين اغنية [] لآ اوصيك []
نهى : يالبى هالصوووت طولوا ع الاغنيه ,
وابتدى الاستهبال وفلوا الشعور وصاروا يرقصون وكل وحده تسوي حركات
عند الشباب :
نواف : التحدي الأول بين فارس وعبد العزيز
وابتدوا يلعبون وصار ازعااج كأنهم في ملعب وصار التحدي قوي بين فارس وعبد العزيز فارس : 2 قوولين .. وعبد العزيز : قولين .
البنات طبعاً اتعبوا من الردييح << كسروا أنفسهم لووولز طلعوا كيسة الجوكليت والسويتس والبطاطس وجلسوا يا كلون ,
مها : نهووي بما إنك أصغرنا جيبي لي مويه من المطبخ
نهى: تناظر مها وترفع حاجبها بإستهبال انا نهى بنت ناصر اجيبلك مويه .. اسمحي لي يا بنت العم برستيجي ما يسمح وتصد
البنات : احلااا يا نهوي حركااات
مها : تناظرهم بنص عين وقفلت معها وجع يشيلكم مافي وحده منكم فيها خير انا بجيب لي موويه واللي تبي شي تطس تجيب لنفسها
البنات يضحكون على شكل مها..
مها : وهي طالعه الشرهه ع اللي يجلس معكم ..
جنى : اقوول لا يكثر وروحي اشربي مويه
نزلت مها ودخلت المطبخ والمطبخ له بابين باب من داخل البيت وباب من برع من ورا الحديقه .. دخل فارس المطبخ من الباب اللي ورا وما كان يدري ان مها بالمطبخ مها كانت تطلع قرشة مويه رفعت مها راسها حست انوو بيغمى عليها كان فارس يناظر مها ومها تناظر فارس حاولت انها تصد عنه لكن كان فارس بطوله وجسمه اللي كان باين عليه القووه أسرع من مها مسك يدها ..
مها : كأنه حد صاب على راسها مويه باارده جمدت في مكانها ..
فارس : مها شفيك فيك شي ,
مها حست انها بتمووت من الحيا لا مافيني شي أنت ليه ماسك يدي
فارس: انتبه لنفسه وشال يده من على يد مها, آسف
مها : انا بروح فوق ..
فارس : افااا يهون عليك اطلع وأنا في نفسي هوت جوكليت ,
مها : ما قدرت تناظر فارس ابشر ولد عمي اللحين اسويلك بس ياريت لو تنتظر برع ,
فارس: ابتسم ابتسامه وكأنه يقوول لمها ما أبي شي بس ودي اجلس معك ,
فارس : طيب بس ترى انتظر موب تشطبين علي ,
مها : ضحكت على حركات فارس غصب عنها ..
طلع فارس وصارت مها تسوي هوت جوكليت لفارس بس كانت مرتبكه من اللي صاار !
مها : خلصت الهوت جوكليت وحطته على الطاوله وفتحت الباب بحركه سريعه ونادت فارس وركضت لداخل .. فارس دخل وما شاف مها عرف ان البنت رااااحت ملح << البنت ذاابت وأنت للحين تتميلح لوولز
فارس ابتسم وخذا الكوب وصار يشرب الهوت جوكليت وراح للخيمه كانوا الشباب للحين في التحدي جلس فارس على جنب وحط يده ورا راسه ويغني []طحت بهواه ياهلي سموا علي []
طحت بهواه ياهلي سمو علي من شفته
وانا حالتي حاله وأبيه
حبيت انا وانتهىمابيدي شي أمر الهوا
ياهلي ما اقدر عليه
وصار يغني
بصوت واطي جا الوليد وجلس جنب فارس ,
الوليد : وشعنده اللي يغني طحت بهواه ياهلي سموا علي .. ويناظر في فارس بنص عين , اللي ماخذ عقلك يتهنى به ..
فارس : عاجبتني الاغنيه ياخي ,
الوليد يناظر فارس موب مقتنع
عند البنات :
سوالف وضحك دخلت مها
جنى :وشفيك تأخرتي مهووي كل ذا مويه والله فاتك جالسين نستهبل على واحد بالشات
مها : امي كانت تقولي يا مها جيبي يا مها ودي .. << هههههه حلووه التصريفه
نهى : ليه ما جبتيلي مويه ,
مها : رافعه حاجبها اللحين توك تعرفيني طسي بس .
وجلسوا الشباب والبنات ليين الفجر بعد صلاة الفجر الكل قام ينام
إن شاءلله عجبكم البارت .. انتظروني في البارت الثالث راح نعرف وش بيصير بين [] مها و فارس [] وراح نعرف الليله الثانيه وش المفاجأات اللي بتصير فيها .
وطبعا راح أحط كل البارتات ورآآ بعض لأني مو أنا مألفتها
الرئيسية
