رواية تغرق الغرقآآن أكثر

البارت الثالث والعشـرين ][ صآر الخطا وشلون ماهو بيدي ][



في بيت ][ راكــان ][



راكان جالس في غرفته من يوم ما سمع خبر الحادث من نهى



راكان يكلم نفسه : مافي إلا هالحل يا راكان عشان ترتاااح من العذاب اللي أنت فيه .



راكان غير ملابسه , لبس ثوب وشماغ وراح للشيخ اللي في حيهم ينادونه أبو عبد الرحمن , وراح لبيته قالوله الشيخ في المسجد



وراح راكان للشيخ في المسجد .



راكان : السلام عليكم يا شيخ ابو عبد الرحمن .



الشيخ : وعليكم السلام ورحمة الله وبركاته .



راكان : كيفك يا شييخ , كيف صحتك ؟



الشيخ : الحمدلله والشكر له سبحااانه .



راكان : جعله مدييم يا شييخ .



الشيخ : ويدييم عليك الخيير ياارب



الشيخ : تفضل يا ولدي , آمرني .



راكان : يزيد فضلك يا شيخنا , وما يامر علييك ظالم , يا شيخ انا جاايك اليوم ناصيك وأبيك تنصحني وتوجهني للطريق الصحيح



مالقيت غيرك اللي اقوله على الهم اللي فيني .



الشيخ : إن شاء الله إني راح أقدم لك المساعده ياا...



راكان : أسمي راكان يا شييخ .



الشيخ : وش هي مشكلتك يا ولدي يا راكان يمكن أقدر أساعدك أو أخفف عنك حمل



راكان : بقوولك السالفه يا شييخ من أولها لأخرها .

الشيخ : أسمعك يا ولدي





راكان : يا شيخ أنا تعرفت على صدييق طيب ويحترمني كثيير وعشت معه ايام حلووه يعني كنت داايم أحسسه أنه زي أخوي وأكثر وهو نفس الشي , وفي يوم من الأيام طلعت معه ومع عيال وبنات عمه مطعم بس البنات كانوا بعيدين عنا وحنا بعيدين عنهم بس لفتت إنتباهي بنت حلووه يا شييخ من بنات عمه انعجببت فيها حييل , وهو يا شيخ يحب بنت عمه هاذي وأمني إني ادخل بيت جداانه اللي يتجمعون فيه كل أربعاء وخميس وبنت عمه حطيتها في راسي , وفي يوم قاالي اجي وكنت جالس معاه ومع عيال عمه وأستتأذنت على أساس أبي أروح دورة المياه وأنتظرت بنت عمه وكانوا يحطون العشا في المقلط ونست ساعتها ولما رجعت عشان تاخذها وقفلت الباب عليها وحاولت اعتدي عليها لكن دافعت عن نفسها وضربتني على راسي , وعقبها لما شفت مافي فايده اخذت رقمها من جوال اختي واختي ما تدري لانهم مع بعض في نفس الجامعة وصرت ازعجها بالاتصالات وبعدها هددتها ان ماجات راح اقول لابوها وعيال عمها انها على علاقة فيني وانها تكلمني



والظاهر يا شيخ صديقي درى انها جايه تقابلني وصار لهم



وفجأه سكت راكان وكأنه موب قادر يتكلم وصار يبكي قدام الشيخ وكأنه طفل راكان يبكي بقووه من بكااه مسك كتوفه الشيخ وصار يهديه



الشيخ : تعووذ من الشيطاان يا ولدي ووسع صدرك , وكمل وش صار لخويك .



راكان وهو يبكي ويمسح دموعه بشماغه : صار لهم حادث بسببي يا شيخ خويي في العناية المركزه , وبنت عمه بسببي في غيبوبه عايشين تحت رحمة الله .



الشيخ : قبل ما أجلس أتكلم معك وأنصحك يا ولدي قم توضا



وراح يتوضا راكان , وبعده قاله الشيخ يصلي ركعتين فيها خشووع ويدعي باللي يبيه وأكيد من ضمن هالدعااء أنه يستغفر ربه ويتوب تووبه نصووح ويدعي ربه يساامحه ع اللي سواه



وسوا راكان مثل ما طلب منه الشييخ بالضببط بعد ما خلص راكان طلب منه الشيخ يجلس



الشيخ : تقبل الله يا ولدي



راكان : منا ومنك صالح الأعمال والطاعات يا شيخ << وكان باين على وجه راكان الندم .



الشيخ : وش تحس فيه اللحين يا ولدي . إن شاء الله حسييت براحه



راكان : إي والله يا شييخ أول مره أحس أني قريب من ربي .



الشيخ : إن شاء الله مهب بس هاليوم تحس إنك قريب من ربك إن شاء الله كل الأيام , أسمعني ياراكان بني آدم خلق ليش ؟ عشان يعبد ربه ولا يعصي له أمر لكن مين اللي طلع أبونا آدم وأمنا حواء من الجنه إبليس قال تعالى : {فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْءَاتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ}



صدق الله العظيم , اللي أقصده من هذا الكلام يا راكان إن أبليس هوايته يوسووس في أذن بني آدم ويوجهه لطريق المعاصي ولدروب المهالك , فلا تكون من اللي يمشون في هالطريق يا ولدي أنا أدري إن حنا بشر نخطي , ومافي إنساان معصوم عن الخطا , أنت أخطيت وتبي تكفر عن ذنبك تووب لله توبه نصووح , تووب قبل لا يجي يوم لو تقوول من اليوم ليين بكره ][ ربي إرجعـــون ][ والله ما ترجع عشان تعمل الصالحات بل تذووق العذاب أضعااف أضعااف , خيير الخطائين التوابين وبعدها يا ولدي روح لصديقك زوره وكلمه قول له يا خوي ترا أنا غلطت واللي صار لك قضاء وقدر لكن أنا كنت سبب ف اللي صاار لك وأنا والله جااي أتسامح منك وأعتذر على كل شي وأنا تبت لله ولو ما تبي تشووفني أوعدك ما عاد تشوفني خيير شر ,, بس أبي منك السمووحه .



راكان انهاار من كلام الشييخ اللي كان كل كلمه يقولها لها تأثيرها في نفس راكان .



الشيخ : بارك الله فيك يا ولدي , دموعك هاذي تدل على أن فييك خيير وصدقني ترى للحين الدنيا بخيير بس بذكر الله وبالأعمال الطييبه تطييب لك الدنيا وتبتسم في وجهك وربي بيرزقك إن شاء الله ببنت الحلال والذرية الصالحة .



راكان : مشكور يا شييخ جزااك الله خيير والله أحس كأن هم وأنزااح عن صدري



الشيخ يبتسم : الحمدلله هذا من فضل الله , وهذا يا ولدي كتيب أذكار واستغفار , وهذا كتيب عنوانه ][ كيف تكون سعيدا ً ][



وإذا رحت لخويك وقابلته بعدين تعال وقلي وش صار معك عشان أتطمن عليك يا ولدي



راكان قام وباس راس الشيخ إحتراما ً له : مشكوور يا شيخ جزااك الله خيير , وأدع لي إن ربي يوفقني .



الشيخ : ربي يوفقك , ويفتحها بوجهك .



وبعدها طلع راكان من عند الشيخ وحس من هاللحظه وكأنه أنولد من جديد , وحس إن في شي كبيير في داخله تغيير .



نروح للمستشفى



النيرس : دكتور متى نشوف حالة نواف .



الدكتور عبدلله : بعد ما تشوفين التقارير الطبيه , وأنا بروح مكتبي عشان اراجع الملف .



النيرس : إن شاء الله دكتور .



ومن جهه ثانية نروح لنواف ..



نواف كان يتذكر الحادث في ذهنه وصار يحرك جفونه وتعابير وجهه وكأنه مكشر وكأنه يبذل جهد عشان يفتح عينه , ومازاال صرااع الذاكره يشتغل في ذهن نواف , غلا , نهى , عبد العزيز , أيام المعهد , راكان , صراااع عمييق ويحاول يفتح يبي ينهي كل هالأوجااع والألم اللي يحس فيه لكن مازالت أحدااث الذاكرة شغااله لما صرخ على غلا وقال إنه حب وحده خاينه وصراااع صراااع صراااع وأخييرا ً بعد جهد جهيييد فتح عينه نواف وفتحها على ذكرى حزيينه ونزلت دمعه من عينه , نواف صار يناظر فوق , يناظر جهة الباب , يناظر الأجهزة اللي عليه , يناظر يمين يسار , وين أمه , وين أبوه , وين أخوه فارس , وين أخته جنى قطع حبل تساؤلات نواف الباب ينفتح دكتور عبدلله ما صدق اللي يشووفه نواف اللي ما كان يدري عن اللي يدخل ويطلع يناااظره , دكتور عبدلله يمشي بسسرعه جهة نواف , دكتور عبدلله يشيل جهاز التنفس عن وجه نواف



دكتور عبدلله : نوااف الحمدلله على سلااامتك



نواف : أنت مين ؟



دكتور عبدلله : أنا الدكتور اللي أشرفت على حالتك من يوم ما دخلت المستشفى



نواف يمسك يد الدكتور : دكتور أنا بخيير أبي أطلع من هنا



دكتور عبدلله : ما يصير تطلع اللحين يا نواف لازم نتطمن علييك كويس وعلى الاقل بكره او اللي بعده تطلع



نواف بصوت متقطع : وين أهلي يا دكتور ؟



دكتور عبدلله يبتسم : أهلك من يوم ما دخلت هنا وهم يجون يشوفونك ويدخلون عندك وأمك المسكينه قلبها انفطر عليك وأبوك داايم يدعي لك , بس أدري ما كنت تدري باللي حوليك , بس راح أكلمهم وأبشرهم , ونسيت أقول لك بنت عمك اللي وقت الحادث ادخلت في غيبوبه



نواف بغى ينجن : تقصد غلا يا دكتووووووووور



دكتور عبدلله يهدي نواف : هد أعصابك هي بخيير والحمدلله واليوم بتطلع إن شاءالله وهي أمس كانت عندك جابتها النيرس على الكرسي عشان ما نبيها تمشي تتعب , تطمنت علييك ورجعناها لقسم الزيارات



نواف حس برااحه : الحمدلله إنها بخيير .



دكتور عبدلله : أنا أستأذنك بروح أتصل بأبوك عشان يتطمنون على صحتك



نواف كان وده يشوف غلا لكن خايف من ردت فعلها خايف لأنه جرحها .



نروح للعزبة



الكل اليوم مجتمعين في الصالة , جالسين جلسة عائلية



سواليف وكل ما طروا سالفة يتذكرون نواف وكيف مكانه مبيين ويدعون له يقوم بالسلامة , ابو فارس كان حاط جواله على الطاولة يشحن دق الجوال



ابو فارس : فارس يا ولدي قم شوف مين اللي يتصل .



فارس راح يرد ع الجول



فارس : آلو , مين معي ؟



دكتور عبدلله مبسووط : ابو فارس !



فارس مستغرب : لا أنا ولده فارس مين معي ؟



وصاار صمت الكل يناظر فارس وش السالفة



دكتور عبدلله وهو مبسووط : كيفك فارس أنا دكتور عبدلله



فارس بإبتسامة : هلا دكتور عبدلله أنا بخير , أنت كيفك ؟



دكتور عبدلله : بخير ولله الحمد , أبشرك يا فاارس .



فارس بدت علامات التباشير على وجهه : خير يا دكتوور



الكل وقف يبون يعرفون وش صااير ؟



دكتور عبدلله : الحمدلله على سلامة نواف صحى .



فارس الأرض موب وااسعته من الفرحة : من جدك يا دكتور ولا تمزح



الجد ما قدر يستحمل : فاارس تكلم وش صاير غلا فيها شي نواف فيه شي



فارس يأشر لهم لحظه



دكتور عبدلله : ههههههههه من جدي اجل امزح تراه يبي يشوفكم مشتااق لكم لا تتأخرون عليه



فارس : طيب يا دكتوور ما قصرت .



وقفل دكتور عبدلله , وفارس صار واقف في الوسط بين اهله



ابو فارس : وش فيه دكتور عبدلله وش يقول ؟



فارس مبسووووط : أبشركم دكتور عبدلله يقوول إن نواف صحى ويبي يشوفنا



الكل انبسسط والشباب صاروا يصرخوون من الفرحة والبنات كل وحده فيهم تضم الثانية , وام فارس جلست تبكي من الفرحة , وابو فارس ما يقل عن ام فارس دمعت عينه وحمد الله , والجد والجدة مبسووطين



الجد : يلا وش تنتظرون خلونا نروح المستشفى والشباب راحو يغيرون ملابسهم والبنات يلبسون عباياتهم والكل صار يتجهز



من جهه ثانيه ..( غلآ )



غلا جالسه تفكر في نواف يا ترى صحى ولا لأ .. جآتها النيرس مع الدكتور عبدلله



دكتور عبدلله : كيفك غلآ إن شاء الله أحسن اليوم



غلا بإبتسامة رقيقة : بخير يا دكتوور



دكتور عبدلله يبتسم : لااا أنتي اليووم ماشاء الله تبارك الله عاال مثل الوردة المفتحة , ونوااف إن شاء الله يوم ولا يومين يشد همته ويطلع بعدك على خير



غلا مستغربة : ليش نواف صحى ؟!



دكتور عبدلله مبسووط : أبشرك صحى ويسأل عن أهله , وسألني عن صحتك .



غلا مبسوطه وبااين على وجهها الفرح : دكتوور صحيح نواف صحى ؟



دكتور عبدلله بنغزه : أيه صحى ما ودك تجلسين معه قبل يجون أهلكم .



غلا صار وجهها أحممر من الإحراج : إلا ودي أتطمن عليه



دكتور عبدلله يضحك : أنتوا أغرب حالة حب شفتها هنا !



غلا ساااحت << خخخخ يعني الكتاب مبين من عنوانه .



دكتور عبدلله : أنا بروح مكتبي وبخلي النيرس توصلك



غلآ : دكتور أنا صرت بخير أقدر أمشي



دكتور عبدلله : دااري , بس اللحين نقلناه في غرفة الزيارات خلي النيرس تروح معك .



غلا : مشكور دكتور تعبناك معنا .



دكتور عبدلله : تعبكم رآآحة .



وخذت النيرس غلا ووصلتها لغرفة نواف ودخلت غلا غرفة نواف وكانت الستاره مسكره عليه شوي وصارت غلا تفتح الستاره ع الخفيف , وتفاجأت إن نواف جالس ويبتسم



نواف يناظر غلا : ماودك تجلسين ؟



غلا تلخبطت وجلست ع الكرسي: الحمدلله على سلامتك ولد عمي



نواف حاس بالإحراج : الله يسلمك يا الغآلية .



غلا : تحس أنك صرت أحسن ؟



نواف : دامك معي أنا بخيير .



نواف مسك يد غلا , وغلا حاولت تبعد يدها بس قبضة نواف كانت قوية وحط يدها على صدره .



غلا وجهها صار ألوان وصارت ترتجف



نواف : غلا أنا أحبك , ومابيك تتخلين عني , غلا أنتي ما تتخيلين حياتي من دونك



غلا سحبت يدها : نواف أرجوك أنا غلا بنت عمك ووبس .



نواف قعد على حيله ومسك يد غلا مره ثانية : شقصدك يا غلا بهالكلام



غلا : أنا وحده خااينه وما أستاهلك



نواف فهم مقصد غلا : تكفيين يرحم واالدييك أرحميني , كانت لحظة غضب غلا وبدا نواف يصرخ بصوت عالي شوي أحبببببببببك أنت الهوا اللي أتنفسه أنتي رووحي وكيف أعيش بدوون رووح ؟؟



غلا استحت من نواف : قصر صووتك تبي تفضحنا هنا ,, أنت ما عقلت للحين مجنووون .



نواف رغم التعب اللي هو فيه بس مافقد خفة دمه : أنتي خليتي فيني عقققل وهالحادث خلاني أصيير مجنوون بزياادة يعني الله يعينك علي , تحملي ما يجيك



غلا تضحك على نواف : أنا لازم أرووح اللحين قبل ما يجوون



نواف : يعني بتسوين فيها عااقله وجالسه في غرفتك



غلا بنص عيين : ههههههههههههه



نواف بتعب : تكفييين غلا قوليها وريحي قلبي حرااام عليك



غلا وهي طالعه : يعني ما تدري إني أحبك , ولو ما أحبك ما جيتك أتطمن علييك قبل يجوون وطلعت غلا



ونواااف متشقققق وانشرح صدره 10 سنتيمترات



رجعت غلا لغرفتها مره ثانية وصارت تفكر باللي تملك قلبها وعقلها



وصلت العايلة الكريمه للمستشفى وطلبوا من الدكتور عبدلله يشوفون



نواف



ام نواف صارت تبكي من الفرحه : حبيبي الحمدلله على سلامتك يايمه , ألف الحمد والشكر لك يارب



نواف يبوس راس ويد أمه : الله يخليك لي يا الغالية ولا يحرمني منك , يمه لا تبكين أنا بخيير الحمدلله .



ابو نواف : الحمدلله على سلامتك يا ولدي



نواف يبوس راس ويد أبوه : الله يسلمك يا الغالي



الجد : الحمدلله على سلامتك يا نوااف , وقرت عين أمك وأبوك



نواف : الله يسلمك يا جدي وقرت بشووفت نبيك إن شاء الله .



الجدة : الحمدلله على سلامة يا ولدي والله فقدناكم انت وغلا



نواف : الله يسلمك يا جدة , وأنتوا بعد وحشتووني حييل



وعقبها صاروا الشباب والبنات وعمانه وعمته يسلمون عليه وصار سوالييف ونااسه والكل مبسووط والحباايب مجتمعيين مع بعض



نروح لراكان



راكان جالس يقرا قرآن << على فكره راكان تغيير كثيير صار ما يترك صلاته صار إنسان واعي أكثر لدينه وخووفه من الله



دق الباب



الريم : آسفه يا خوي مدري إنك جالس تقرا قرآن



راكان يبتسم : تعالي يا الريم , وش فيك



الريم : والله يا خوي كنا نتشاور أنا وأمي نبي نطلع نشم هوا يا خوي تدري إجاازه نبي نغيير جوو



راكان يبتسم : هذ ا اللي تبونه



الريم : إيه ودنا ونودي رشوود نلعبه شوي << راشد أصغر الأخوان عمره 4 سنوات .



راكان : يلا تجهزوا عشان نروح إذا خلصتوا نادوني



الريم مبسووطه : مشكوور أخوي عسى الله لا يحرمنا منك يا الغالي



نرجع للمستشفى



العايلة خذوا غلا من المستشفى والبناات مبسووطين أنها راح ترجع معهم العزبة



الكل رجع للعزبه الساعه 9 مساءً



في الصالة



الجدة : الحمدلله رب العالمين اللي حفظهم واليوم طلعت غلا وإن شاء الله قريب يطلع نواف



أم فارس : الحمدلله , اللي طمني على ولدي



أم عبد العزيز : الله يخليه لك وتقر عينك



أم حلى : والله البيت بدون العيال ما يسوى



أم الوليد : أي والله صدقتي يا أم حلى



عند البنات



البنات ملتمين على غلا واللي تبوسها واللي تلعب بشعرها وغلا مبسووطه بشوفت البنات



نهى بمزحه : ما تطمنتي على حبيب القلب



غلا : تطمنت عليه قبلكم رحت له الغرفة وشفته وقالي أنه يحبني



جنى : يا عيني يا عيني ومسووين فيها عااقلين ولا كننهم شافوا بعض



مها تضحك : يقوولك يا ما تحت السواهي دوااهي .



البنات يضحكون على مها .



حلى : وش قلتي له يا مجررممه .



غلا تتدلع : قلت له أنا بنت عمك , ومافي شي ثاني وإني أنا خااينه وما أستاهله .



نهى مطييره عيوونها : من جدكك تبين تجلطيين الوولد أنتي .



جنى مسوويه نفسها زعلاانه : حرآآم علييك غلوو تراه يمووت فيك



حلى : متى يتزوجوون عنتره وعبله عشان نرتااح منهم .



البنات يضحكون



نهى تستهبل : لما يتزوجون قيس وليلى



غلا : لا حراام قلت له إني أحبه << وتراني نسييت كل شي والدنيا ما تسوى نجلس نعييد نفس الجرووح



مها : لبىىى كلك يا شييييخه والله عقلك كبيير نيالووه ولد عمي .



نروح عند الشباب اللي كانوا مبسوطين بقوومة نواف وفالينها اليووم والرووح رياضيه شغلوا البلي ستيشن وجلسوا يلعبوون تحدي وصرااخ وهييصه والمووود عااال العاال << عسااه دووم .



عند الرجاجيل في الخيمة



الجد مبسوط : قرت عينك يا أبو فارس



أبو فارس يبتسم : بشوفت نبيك يا الغآلي



أبو الوليد : والله العيال غاليين وحياتنا بدونهم ما تسوى



أبو عبد العزيز : أي والله صدقت .



أبو حلى : الحمدلله هذا من فضل الله



الكل : الحمد لله والشكر لله .



ع الساعه 10 ونص الكل جالس ع السفره وأنواع المأكولات الشهيه بس طبعا ً بدوون تبذير وإسراف << لأاني ماحب التبذير ههع , فالأكل على قد العايله كان عباره عن : سمبوسه , كبه , بطاطس مقليه , صنف واحد من الرز للعايله كلها , شوربه مشروم , خلووني أشهيكم , ملفوف + ورق عنب << لحد يدعي علي ههههههه + أخيرا ً وليس آخرا ً الجرييش , والعصيرات , فيمتوو + تاانج << حسيتوا أنكم جالسين تشوفون سفرة رمضاان خخخ << بس حلوو التغيير .



المهم , الكل كان جوعاان ومتلذذ بالأكل حتى الشغالات مبسووطين << مع الخييل يا شقراا



ع الساعه 11 ونص خلصوا وللحين دلال القهوه والشاهي والحريم مبسوطين بهالجلسه والسواليف , والرجاجيل نفس الشي



عند البنات



مها : خلونا نسوي شي



نهى : ودي أرقص من زماان ما رقصت هههههه



حلى : أشك أنك فيفي عبده السعوديه



البنات يضحكون



نهى تضرب حلى بالمخده : قوولي ما شاء الله قل أعوذ ُ برب الفللللق خمسه وخمييسه , عيين الحسوود فيها عوود



حلى تستهبل : قصدك عين الحسود اللي مثلي فيها دهن عووود



البنااات يضحكون على استهبال حلى الزاايد



جنى : وش راايكم نتسلى نلعب حرف , أسم , حيوان , نبات , جماد , بلاد مجمووع



نهى تكح



غلا : وش فيك



نهى : يووووه مغبرييين أنتوا أقوول وش تحسوون به ؟ !



مها : أقوول عن المهاايط وجيبوا دفاتر يلا



والبنات خذوا الدفاتر وصاروا يلعبون متحمسيين وصرااخهم وااصل آخر العزببه << فيها مباالغه شوي أدري << بس من زوود الحمااس .



يعني كاان يووم حآآفل وروووعه



نرجع للهوسبتل << أحلى يا عنقلييزي << يرحم أووؤمتس أسكتي بس .



نواف منسدح ويفكر في غلا اللي شااغله كل تفكييره



ع الساعه 1 في العزبه الشباب كلهم متشطحيين مع بعض حتى طلال معهم جالسين يشوفون فلم في فوكس موفييز



والبنات بعد جالسين يشوفون فلم في ام بي سي أكشن



نرجع للشباب



عبد العزيز أخذ جواله وأرسل رساله لنهى :- مضمون الرساله



وينك حبيبي مبعـدٍ عنـي هنـاك؟

وين اتصالك يا بعـد كـل غالـي؟

ان غبت عني .. غابت الروح ويّاك
تسهر عيوني مـا تبـات الليالـي
يا شين وقتي يـا غناتـيبليـاك
عمري بدونك .. لا حشا ما هنالي
ياكـم اردد ونتـي زود فـرقـاك
تدريحبيبي ضاق دونك مجالـي
ارحم بوصلك من يحبـك ويهـواك
أسأل وليتـك تستجيـب السؤالـي





نهى ابتسمت لما شافت رسالة عبد العزيز وأرسلت له هالرساله



أدري وحشتك يابعد عمـر مغليـك

............ أدري وأداري بالغلا وانـت داري




أدري ولاغيـري بحبّـه يـداويـك

............ وأدري بدوني صالي الشوقنـاري




لد النظـر تلقـى عيونـي تباريـك

............ بالدمع غرقى لا لفىمنـك طـاري




المشكلـه فـات العتـب مابيمديـك

............ تركت قلبي بينالأشـواك عـاري




ليتك سمعت انفاس حبـي تناديـك

............ والهمس غنىياهـوى البـال داري





عبد العزييز انبسسط وارسل رساله لنهى



يعني أفهم منك أنك تحبيني



نهى تستهبل كالعاااده أرسلت لعبد العزيز



إيه أحبك في الله



عبد العزيز طيير عيوونه بس ما قدر يمسك نفسه من الضحك



الشباب وش فيك تضحك



عبد العزيز : خويي حمد ههههههههه



وطبعا ً الشباب والبنات ما ناموا إلا ع الساعه 2 فاالينها



والجااي أحلى وأحلى ودي لكم أحؤؤبكم انتظروني في البارت ال24

البارت الخامس والعشرين


• يا أول قلب حبيته ويا آخر قلب أنا أهوآآه «
اليوم السبت الساعه 2 ونص الظهر
في غرفة الشباب
فارس جالس وباقي الشباب نايمين
فارس صار يمشي على كبر الغرفة موب مستوعب اللي بيصير
اليوم , فارس يفكر وأعصاابه على نار
فارس في نفسه : لآزم تشوف لك حل يا فارس , ولا مها بتروح من يدك , ومستحيل أخلي أحد ياخذها مني مها ملكي أحس إني أنولدت في هالدنيا عشان أكمل باقي عمري معها ويجي ولد أبو فهد ويخطبها من عمي وأنا أجلس أتفرج لا لا يا فارس لازم تشووف لك حل وبسسسرعه , فارس خطرت له فكره .
فارس : بس لقيتها مافي إلا هالحل .
طلع فارس من الغرفة شوي شوي عشان ما يصحي الشباب وعلى طوول نزل تحت لغرفة جده ودق باب الغرفة
الجد فتح الباب : فارس هلا يا ولدي هلا يبه وش فيك ؟
فارس : جدي تعال معي المقلط أبيك في كلمة راس أبي أتكلم معاك ضروري يا جدي
الجد مستغرب : تعال يا ولدي تعاال
وراحوا فارس وجده لمقلط الرجاجيل واجلسوا .
الجد مستغرب ويناظر في فارس : وش فيك يا ولدي عسى ما شر ؟
فارس : جدي أبي منك خدمه يا جدي تكفى مالي إلا الله ثم أنت .
الجد : خير يا ولدي محتاج فلوس , ناقصك شي , ولا ليكون طايح في مشكله ؟
فارس : لا ياجدي السالفه ماهيب كذا , السالفه فيها تحديد مصيير
الجد : فارس ترى أرتفع ضغطي وأنا جدك وش صااير ؟؟
فارس : بسم الله عليك يبه , يا طوييل العمر الموضوع إني أحب يا جدي
الجد يضحك على فارس : ههههههههههه الله يقطع شيطاانك وكل هالقرووشه عشانك تحب طييب وبعدين
فارس : ياجدي البنت بيجونها خطااب اليوم وأنا أبي أبوها يعرف أني أبيها ؟
الجد وصار عنده شك بالموضوع : وهاذي البنت نعرف أهلها
فارس يناظر جده : إيه يا جدي تعرفهم زييين
الجد يضحك : هههههههههههه آآخ منكم يا عياال عيالي يعني مها بنت عمك صح ولا لا ؟
فارس تشقق : وصلت خييير يا جدي
الجد : ويوم إنك تحب مها بنت عمك ليه ما تقدمت لها , واليوم , يوم إن بيجي أبو فهد وولده وأهله تقول تحب بنت عمك .
فارس يتوسل جده : والله يا جدي مادريت عن هالموضوع إلا أمس علمتني نهوووي وقالت لي أتصرف يا جدي , تكفى كنسل الموضوع جدي خرب السالفه جدي يرضيك مها بنت عمي تروح لغيري !
الجد يحاول يهدي فارس : والله ما يرضيني يا ولدي والحب ماهوب هيين بس أبشر بسعدك خلني أنا أتصرف على طريقتي الخااصه ومااالك إلا طيب خااطر .
فارس يبوس راس جده : لبىىىى رووحك يا جدي والله أنت أكووس جد في الدنيا هاذي كلها ربي لا يحرمنا منك يا الغالي .
الجد : هههههههه ويخليك يا ولدي , خلااص قلت كل اللي في خاطرك .
فارس مبسووط حده : إيه يا جدي
الجد : خلآص أنت رووح اللحين وبعدين أكيد كلكم بتجلسون مع أبو فهد , وفهد وعقبها أنا أتصرف .
فارس وهو رايح : مشكوور يا أحلىىى جد سلاام , فارس راح ورجع مره ثانيه
الجد يضحك : هااا ورااك رجعت
فارس يناظر جده بخقه : الووعد بعدين
الجد : ههههههههههههههههههه , والله ظنتي كل واحد فيهم يحب موب بس فارس وعبد العزيز , وأنا المحامي حقهم .
نروح للبنات فوق
مافي إلا مها ونهى وجنى جالسين , وغلا , وحلى نايمين
مها تبكي : أفففف ياربي , ياربي , وبعديين اللحين الساعه 3 إلا ربع وش أسوي مابي فهد مااابيه .
جنى تهدي مها : مها حبيبتي تعوذي من الشيطان وبعدين أنتي ليش خايفه أكيد أخوي راح يتصرف .
نهى : كلام جنى صحيح أكيد فرووس بيتصرف يا مهووي وبعدين هو يحبك ما شفتيه كيف كان شكله لما قلت له بيجي فهد ولد جيرانكم عشان يخطبك .
جنى : أنا بتصل على فارس , بشوفه وش راح يسوي .
جنى تتصل على فارس
فارس : هلا جنوو
جنى : هلا فرووس , كيفك
فارس : مروووووووووووووق
جنى بإستغراب : مرووق ؟؟؟
فارس : وش فيك ساكته ؟
جنى : وش سويت على سالفتك أنت ومها ؟
فارس : من هالنااحيه قولي لمها تتطمن
جنى : فارس أنا ماني فاهمه شي , كيف يعني تتطمن أبي أفهم !!!
فارس : بعدين تعرفين سلام .
قفل فارس من جنى
جنى تأشر إن فارس إنجن : وش فيه هذا , لااا أخوي الظاهر حرارته مرتفعه !!
مها بخوف : هااه وش قالك ؟
جنى : والله ماخذت منه لاحق ولا باطل بس قالي قولي لمها تتطمن وأقوله وش سويت , يقول بعديين تعرفين ؟
نهى مبسووطه : موب قلت لكم , فارس ماراح يخلي هالموضوع يعدي على خيير .
جنى : يلا كلها كم ساعه ويجوون وبعدها نعرف وش بيصير .
نهى : ذولي الثنتين موب صاحيين للحين نايمين , وراحت نهى تصرخ عند راس حلى وغلا عشان يصحون
حلى شوي وتصيح : يووووه الله ياخذك زيين فقعتي طبلتي من صراخك .
نهى تستهببل << فاضيه الأخت : لييه فرقه موسيقيه في أذنك ؟
جنى ومها : ههههههههههههههههه والله فاضيه تنكتين
حلى وهي ترمي نهى بالمخده : طييب يا نهووي أوريك
غلا : يعني ما نناااام اففف
عند الشباب
الشباب عكس البنات صحوا واللي يلبس واللي يسولف
نروح لغرفة أم الوليد , وأبو الوليد
جوال أبو الوليد يرن ][ أبو فهد يتصل بك ][
أبو الوليد : يا الله إن تحييه .
أبو فهد مبسوط : الله والنبي يحييك , كيفك يا أبو الوليد
أبو الوليد : بخيير جعلك بخير .
أبو فهد : جعله مدييم إن شاء الله , يا أبو الوليد حنا جايين أنا وأم فهد وفهد .
أبو الوليد : حياكم الله ننتظركم . لاوصلت شارعنا دق علي عشان أوصف لك من هناك .
أبو فهد : إن شاء الله , مع السلامه
أبو الوليد : فمان الله .
أم الوليد : هذا أبو فهد ؟
أبو الوليد : إيه بيجون خلاص روحي قولي لمها ترتب نفسها خليها تتجهز
أم الوليد : ضايق صدرها وتفكر باللي صار أمس واللي سمعته , ياربي كيف بقول لها اللحين
أبو الوليد : أم الوليد وش فيك سررحتي
أم الوليد : لا ولا شي بروح أقول لها
أبو الوليد : مسك كتوف أم الوليد وصارت عينه في عينها , وأم الوليد تحاول تصد .
أبو الوليد : وش فيك , صاير شي
أم الوليد بحيرة : مدري أحس أني موب مرتاحه لهالموضوع .
أبو الوليد : إن شاء الله ماراح يصير إلا كل خير .
أم الوليد وهي تاكل في نفسها : إن شاء الله .
نروح للجد والجدة تحت في الصالة
الجدة : طيب ليه ماقال فارس من أول عشان نخطب له مها .
الجد : يقول ما كان يدري نهى قالت له عشان يتصرف ويكنسلون السالفه , وبعدين يا أم محمد , مها وفارس تبين الصدق لايقين لبعض , ومراح تلاقي أحسن منه وفارس أولااا لها من الغريب .
الجدة : طيب وش بتسوي ؟
الجد : والله ما يهون علي يا أم محمد أخلي ولد , ولدي يتعذب وفهد إن شاء الله بيلاقي بنت الحلال اللي تسعده وتهنيه .
نرجع فوق وتحديدا ً غرفة البنات
الباب يندق , جنى فتحت الباب
جنى : خالتي أم الوليد , حيااك ليه واقفه
أم الوليد راحت لمها اللي كانت جالسه وعينها متغارقه بالدموع .
أم الوليد ويدها على راس بنتها : حبيبتي مها بيجي فهد وأهله تراهم بعدي شوي بيكونون هنا .
مها صوتها مخنووق : يمه أنا ما أبيه , ليه أبوي موب راضي يفهمني !
أم الوليد تبوس راس بنتها : حبيبتي تعوذي من الشيطان وهاذي سنة الحياة , قومي شوفي لك لبس حلوو كذا وسوي شعرك تجهزي قبل تجي أم فهد .
جنى : ولا يهمك يا خالتي أحنا بنساعدها لا تشيلين هم
أم الوليد : الله يرضى عليك حبيبتي .
مها بعصبية : من جدك أنتي بعد ؟
جنى تضحك : مهووي أنا أقول كذا قدام أمتس بس
غلا : إن شاء الله يااارب راح تتكنسل السالفه .
حلى : آآآمين الله يسمع منك .
نهى متفائلة : أنا عندي إحسآس إن شاء الله , أن راح نخلص من هالموضوع .
مها : أتمنى
حلى : يلا قومي حبيبتي ألبسي وسوي شعرك وحطي ميك آب خفيف , وإن شاء الله ماراح يصير إلا كل خير .
نهى : مهوي خلك على طبيعتك , لا تحسسينهم بشي .
والبنات صاروا يساعدون مها بإختيار اللبس , وكل وحده صارت تطلع لها ملابس .
طبعا ً الحريم كلهم تحت والجد وعياله , والشباب كلهم تحت
بس البنات اللي فوق
رن جوال أبو الوليد وهم في المقلط
أبو الوليد : هلا يا أبو فهد
أبو فهد : أنا عند العزبه
أبو الوليد : بخلي مجيد يفتح لك الباب
أبو فهد : طيب
أبو الوليد : دخل سيارتك داخل
وقفل أبو فهد وفتح له مجيد الباب , وفارس مرتبك ويناظر جده , وجده يبتسم له .
دخل أبو فهد المقلط : السلااام عليكم ورحمة الله .
فهد : السلام عليكم يا عمي .
أبو الوليد : وعليكم السلام يا حيا الله من جانا تفضلوا
أبو فهد يسلم على الجد: السلام عليكم يبه .
الجد بروح طيبه : وعليكم السلام ورحمة الله حيا الله بوفهد
أبو فهد : الله والنبي يحييك .
فهد يسلم على الجد : كيفك يا جد .
الجد : بخير جعل ربي يسلمك يا ولدي .
وصاروا يسلمون على باقي الشباب , وأبو فارس وأبو حلى وأبو عبد العزيز
نروح للحريم
أم فهد : كيفكم إن شاء الله بخيير .
الجدة : بخير جعل ربي يسلمتس يا أم فهد , أسفرت وأنورت
أم فهد : المكان منوور بوجود أهله يا يمه .
الجدة : تسلمين يا بنتي .
أم الوليد : أجل وين ميلاف
أم فهد : والله قالت بتروح عند بنت خالتها , داقه عليها , ووصتني والله أسلم عليكم كلكم
الحريم : الله يسلمك , ويسلمها .
أم الوليد كانت متوتره , وما كانت تبي هالموضوع يتم لأنها عرفت أن بنتها تحب ولد عمها فارس , والإستقرار مع شخص والقلب عند شخص ثاني هاذي أكبر مصيبه .
أم فهد : أجل وين البنات , ومها وينها
أم الوليد : اللحين بناديهم وبخلي مها تنزل , عن أذنكم
أم الوليد , راحت فوق غرفة البنات دقت الباب وعقب افتحته .
وكانوا البنات جالسين حولين , مها , ومها مبين على وجهها الضيقه .
أم الوليد : مها حبيبتي أنزلي عشان تسلمين على أم فهد , والبنات بعد ينزلون تسأل عنكم .
مها : يمه أنا مابي فهد مابيه .
أم الوليد : حبيباتي ممكن تخلونا بلحالنا شوي أنا ومها .
البنات : إن شاء الله .
حلى : أحنا بننزل تحت نسلم على خالتي أم فهد
أم الوليد : زين تسوون
البنات نزلوا تحت وجلست أم الوليد مع بنتها مها
أم الوليد : مها ليه ما تبين تتزوجين فهد
مها : يمه فهد زي أخوي كيف تبيني أتزوجه ما أحس في إنسجام بيني وبينه , صحيح هو رجاال ما عليه كلام , مثقف ومتعلم ومحترم لكني أحترمه مثل أخوي
أم الوليد : ما يصير يا بنتي , يعني هذا موب سبب !
مها حست بإرتباك : إلا سبب يا يمه , أنا ما أبيه
أم الوليد : أنا أعرف السبب الأساسي اللي يخليك ترفضين فهد .
مها بخوف : وشو السبب ؟
أم الوليد وفي عينها نظرة حنان : أنتي تحبين فارس ولد عمك عشان كذا ما تبين تتزوجين فهد صح ولا لأ
مها بصدمه : سييييييييييين صمممت عم المكان
أم الوليد حضنت مها : حبيبتي ليه ماقلتي لي إنك تحبين فارس يا يمه , فارس رجال ويستاهلك , ليه ما قلتي إنك تحبينه , ولا أنا ماني أمك ؟
مها بكت في حضن أمها : يمه أستحيت أقول لك , يمه أنا وفارس نحب بعض , يمه ما أقدر أعيش بدونه , يمه سوي أي شي بس لا تحرموني منه , يمه والله أحبه .
أم الوليد تأثرت كثير بمها : خلاص حبيبتي أمسحي دموعك , وانزلي سلمي على خالتك أم فهد , إذا راحوا بعدين أنا أتصرف مع أبوك يلا حبيبتي , عشان محد يحس
مها : إن شاء الله يمه .
عند الرجاجيل
أبو فهد : والله حنا اليوم جايينكم يا أبو الوليد , طالبين القرب منكم .
وفارس مقفل وااصله في خشمه وماغير يناظر في فهد
ونواف حاس بأخوه فارس << لأنه عارف إن فارس يحب مها بنت عمه من زمان .
أبو الوليد يشاور أبوه
الجد : تقهوى يا أبو فهد , عن أذنكم شوي .
أبو فهد : خذوا راحتكم .
الجد , راح مع ولده لبرا عشان يكلمه
أبو الوليد : خير يبه وش فيك ؟
الجد : تراني مانيب موافق على هالخطبه
أبو الوليد بإستغراب : ليه يبه , أنت سامع عن فهد شي
الجد : بعدين تعرف ليه , أعتذر للرجال , ما عندنا بنات للزواج .
أبو الوليد بانت على وجهه العصبيه : كيف يبه أعتذر له , لعبه هي ؟ !
الجد : قلت لك كلمه وماراح أثنيها , ولا ترى بزعل علييك وتحمل ما يجيك .
أبو الوليد دخل مع أبوه
أبو فهد مارديتوا علينا : أنتوا موافقين
أبو الوليد : والله مدري وش أقول لك يا أبو فهد , هاذي الساعة المباركه
الجد يناظر أبو الوليد وتعمد يحرجه : والله يا ابو فهد أنتوا ناسا ً أجاويد , وفهد مثل عيالي ورجال ونعم فيه وألف بنت تتمناه , لكن بنتي مها ما تبي تتزوج اللحين , وما أقول غير الله يوفقه ويرزقه ببنت الحلال اللي تسعده وتهنيه .
فهد مصدوم بس تكلم بكل هدوء : والله يا جد هاذي حريتها الشخصيه وما أقدر أغصبها أنها تتزوجني , الزواج قسمه ونصيب والله يعوضني خير إن شاء الله
الجد : ونعم فيك يا فهد أصيل ولد أصول
أبو فهد : أجل حنا نستأذن
الجد : حياكم الله , زارتنا البركة .
أبو فهد وفهد سلموا على الكل وطلعوا من المقلط وطلبوا من أبو الوليد , أنهم ينادون أم فهد
بعد ما الكل طلع من المقلط , بقى فارس والجد .
فارس يبوس راس جده ويده : الله يخليك لنا ولا يحرمنا منك والله بدونك مدري وش راح أسوي
الجد يبتسم : أنا سويت اللي علي , وشد حيلك عليك الباقي , متى ما بغيت تخطبها قول لي ,
فارس : أكيد يا جدي أنت اللي بتخطبها لي
عند الحريم
الحريم مستغربين وش فيهم راحوا بسرعه , والجده عارفه إن اللي صار بسبب أبو محمد , وأم الوليد حست براحه لأنها كانت خايفه على حالة بنتها النفسيه
عند البنات فوق
نهى مبسووطه : موب قلت لكم فارس ما ينخاف عليه .
مها : تهقون تكنسل الموضوع خلاص .
جنى تغمز لمها : أعتبري فهد أنتهى من حياتك .
حلى : فكري في فارس وبس لا تفكرين في فهد ولاغير فهد .
غلا : يا الله يارب بكره يقول يبي يخطبك
البنات : ههههههههههه آمييين .
في سيارة فهد
أبو فهد : في أحد يرفض ولدي المتعلم , المحترم اللي الناس تضرب فيه المثل .
أم فهد : يا أبو فهد وش فيك اللي صار , صار وترى الزواج قسمه ونصيب , وماتدري يمكن أحد من عيال عمها حاط عينه عليها ويبيها وتبيه
أبو فهد معصب : طيب ليه ما قال لي أبو الوليد !!
فهد : يبه مثل ما قالت لك أمي , وبعدين الزواج مهب غصب مها موب نصيبي ولا أنا نصيبها ولا تنسى يا يبه أنهم جيرانا ونبقى زي الأهل لا تخلي موضوع زي هذا يقطع علاقتنا فيهم .
أم فهد مبسوطه بولدها : زي ماقال ولدي يا أبو فهد , كلامه عين العقل , والحمدلله بلادنا مترووسه من هالبنات اللي يبون الستر وولدي ألف وحده تتمناه .
أبو فهد أكتفى بالصمت .
نرجع للمقلط
أبو الوليد راح لأبوه : يبه ممكن أعرف ليه سويت كذا ؟!
الجد : قلت لك أعتذر لهم , قلت للرجال هاذي الساعه المباركه , يعني تكسر كلامي يا ولدي .
أبو الوليد حس بإحراج من أبوه وباس راسه : ما أقصد يا يبه أنا آسف , بس أنت أحرجتني مع الرجال وش بيقولون عننا اللحين ؟
الجد : إذا أبو فهد يعزك ويحترمك مثل أخوه ماراح يزعل منك , وإذا على أتفه الأسباب بيزعل جعله مارضى , أترك البنت على راحتها تختار اللي تبيه موب أنت اللي تزوجها على كيفك .
أبو الوليد أكتفى بالصمت وطلع من المقلط وراح غرفته .
أم الوليد : وش فيك يا أبو الوليد
أبو الوليد : وش فيني , أبوي صغرني قدام الرجال هو اللي رد عليه , وأنا ساكت ما قلت شي أبوي أحرجني .
أبو الوليد معصب وفاتح أزارير ثوبه .
أم الوليد تحاول تهدي زوجها وصارت قريبه من أنفاسه : حبيبي هد أعصابك , والزواج قسمه ونصيب والمفروض أنك شاورت البنت من قبل , والمفروض تسمع رايها إذا كانت موافقه ولا لأ , أحنا آباء ليه ما نقتدي بالرسول صلى الله عليه وسلم كان يستشير زوجاته وبناته وأولاده في كل صغيره وكبيره وهاذي حياتها هي اللي بتعيش معه موب أحنا .
أبو الوليد ساكت وبس يسمع أم الوليد , حبيبته وزوجته , وأم أولاده .
أم الوليد : أنا بقوم أسوي لك عصير ليمون عشان تهدي أعصابك وتروووق .
أبو الوليد مسك يد أم الوليد ودفن راسه في أحضانها : أحس أني منحرج من أبوي أول مره أرفع صوتي عليه , من العصبيه .
أم الوليد : معليه يا قلبي , أبوك أكيد مقدر موقفك لأنك أنحرجت , بس بعدين روح وأعتذر منه عشان ما يجي في خاطره , رضى الله من رضى الوالدين .
عند البنات دق جوال جنى
جنى : هلا فروس .
فارس : هلا جنوو
جنى : شكلك مبسووط .
فارس : طبعا ً مبسوط
جنى : إن شاء الله دووم ويلا شد حيلك عشان تخطب بنت عمك وتريحونا من هالسالفه .
فارس : إن شاء الله قريب .
جنى : آآميين يارب .
فارس : وشلون مها ؟
جنى : لا تحاتي , حبيبة قلبك مبسووطه عشان السالفه خربت
فارس يضحك : هههههه هذا اللي أبيه , يلا أنا أخليك
جنى : ســـــــــــلام .
نهى تنغز بالكلام : أكيد فلان يتطمن على فلانه
جنى تضحك : يقول دامها بخير هذا اللي يبيه .
مها صار وجهها ألوان من الإحراج .
غلا تستهبل : يحلموون , يحلموون اللي فيك يفكرون ياخذونك أنته مني والله لو يجننووون
حلى تطق رقبه : والله لو تطلع لهم قرووون .
والبنات فاقعينها ضحك .
عند الشباب
الوليد : وش فيه أبو فهد شكله زعل لما جدي قال له الصدق .
عبد العزيز : حلووه ذي يزعل وش يزعله , البنت ما تبي تتزوج ولدهم بعد غصب هي . !
نواف يتساسر مع فارس : طلعت منت هين خربت السالفه كل أبوها .
فارس يضحك : أفا عليك بس , أجل أخلي حلالي يروح لغيري ؟ !
نروح للجد والجدة
الجدة : أكيد الرجال اللحين أخذ على خاطره يا أبو محمد .
الجد : ليه بزر هو يا خذ على خاطره بعد البنت ماتبي تتزوج ولدهم تحب ولدعمها فارس غصب هو , يا أم محمد النفس وما تهوى .
الجدة : الله يكتب لمها وفارس اللي فيه الخير ونفرح فيهم .
الجد يبتسم : اللهم آآآمين ونفرح فيهم كلهم إن شاء الله ونشوف عيالهم وعيال عيالهم بعد
الجدة : ههههههه وعيال عيالهم بعد , قدنا تحت التراب .
الجد : محد يموت قبل يومه يا أم محمد .
أنتهى البارت
أتمنى أنكم تكونون أستمتعتوا بهالبارت
وش تتوقعون يصير في البارت السادس والعشرين
بين ][ فارس ومها ][ , ][ الوليد وجنى ][
][ ونواف وغلا ][ , ][ وطلال وحلى ][
][ وعبد العزيز ونهى ][ أكيد تتمنون نهايتهم تكون حلووه
راح نعرف في البارت القادم
ودي لأرواحكم

وه تعبــــــــــــــــــــــــت


برب شويآآت ورآآح أكمل البآآقي

--------------------------------------------------------------------------------

البارت السابع والعشرين

يآمعيريس عين الله ترآك
القمر والنجوم تمشي ورآك


ويتغنـى القمر


والنجوم ترد عليــه


اليوم الجمعه الساعه 4 العصر طبعا ً الأهل كلهم رجعوا على بيوتهم , عشان الكل يجهز لخطوبه ][ فآرس , ومها ][
في بيت أبو فارس
الكل جالس في الصالة
جنى : الله ونااااااااسه بكره خطوبة أخووي
نواف مبسووط : وش علييه , بكره خطووبته هههههههه بالمبارك يا خوي .
فارس بس يوزع إبتسامات : عقبالك يا نواف وعقبال جنى إن شاء الله .
أم فارس وأبو فارس : آآآمين يارب .
جنى : يمه بنروح أنا والبنات للسوق عشان نجهز لبكره
أم فارس : دامك بتروحين مع بنات عمك ما عندي مآنع .
جنى : خلاص أنا بروح أكلمهم عن أذنكم
أبوفارس : أذنك معك يابنتي
أم فارس : وأنت يا نواف ماودك تخطب نفرح فيك .
نواف يبتسم : راح أخطب بعد فارس إن شاء الله .
أبو فارس : من جدك ولا كلام بس.
فارس : ماعليك منه يبه هو حاط عينه على وحده .
نواف يناظر فارس ويضحك
أم فارس مبسوطه : صدق يمه !
نواف يحاول يصرف : اللحين وش فيكم قلبتوا علي , خلكم مع المعرس .
نروح لغرفة جنى
جنى تدق على مها
مها : آلو هلا جنوو
جنى تستهبل : هلاااا بالغالية , هلا بمرت أخوي
مها منحررجه : جنىىىى
جنى : هههههههههههه يالبى اللي يستحون , وأخيرا ً ما بغيتوا .
مها : يلا عقبالك أنتي والوليد , وعقبال باقي الشباب والبنات .
جنى : الله يكتب اللي فيه الخير .
مها : اللهم آآمين
جنى : مهووي نبي نروح السوق أنا وأنتي والبنات .
مها : والله فكره حلووه . طيب مين بيودينا
جنى : مدري , سواقنا , ولا سواقكم
مها : سواقنا ماظنيت لأن أمي بتروح تجيب أغراض للخطوبه .
جنى : خلاص أجل بمر عليك أنا , دق باب جنى
جنى : دقايق مهوي .
مها : طيب
جنى : تفضل .
أم فارس : مها حبيبتي أنا أبي السايق .
جنى : لآ يمممه بليييز لا تقولين , مافي وقت , مالنا إلا هاليوم أم فارس : يا يمه لازم أروح أجهز ورد للخطوبه ومصوره عشان تسوي ألبوم لفارس ومها وتدرين العشى .
جنى : وأبوي وينه ؟
أم فارس : أبوك وفارس ونواف يبون يروحون للسوق , فارس يبيله أغراض جديده .
جنى : والحل يمه ؟
مها : جنوووو
جنى : لحظه يمه .
جنى : هلا مهوي .
مها : خلاص لا تضغطين على خآلتي بقول للوليد يودينا .
جنى : يمكنه مشغوول .
مها : معليه يخلص أشغاله بعدين ماراح يقول شي خلاص خلي أمك تروح .
جنى : يمه خلاص مها بتمر علي مع البنات
أم فارس : يعني خلاص ما تبين شي .
جنى : لا يا الغالية أبي سلامتك .
أم فارس : هاذي 1000 عشان تاخذين اللي تبين
جنى تتدلع : ماما بس 1000
أم فارس تبتسم : 2000 زيين .
جنى : وه بس يا أكوووس أم في الدنيا .
أم فارس تضحك : يلا أنا بروح .
جنى : الله يحفظك .
مها : ههههههههه مهايطيه أنتي
جنى : حبيبتي خطوبة أخوي بكره لازم أطلع كؤؤشخه , وأصير أحلى من العروس إذا في إمكانيه .
مها : ههههههههههههه الله يقطع سوالفك يلا كلمي البنات .
جنى تضحك : أووكي سلاامو .
جنى قفلت من مها دقت على حلى , البنات كانوا جالسين مع أمهم وأبوهم .
حلى : هلا جنوو .
جنى : هلا وغلآ كيفك حياتؤؤ .
حلى : بخير دامك بخير .
جنى : دووومز قلبوو , أقول حلى قولي لعمي إنا , أنا ومها بنمر عليكم نبي نروح السوق عشان نشتري فساتين للخطوبه .
حلى : إي والله مافي وقت , بس بقول لأبوي , لا تسكرين
جنى : طيب , قولي له الوليد بيودينا
حلى توطي صوتها : بععد يا عيني يا عيني
جنى : هههههههههههههه أخلصي علي بس .
حلى تكلم أبوها
حلى : بابا
أبو حلى : أبووي سمي .
حلى : سم الله عدوينك يا الغآلي . أقول يبه جنى بتمر علينا نبي نروح السوق نتقضى لخطوبة مها
أبو حلى: إي ليه لا يا بنتي , بس مين بيوصلكم
حلى : يبه مها والوليد بيمرون على جنى وعقب بيمرون علينا
أبو حلى : خلاص قولي لها تمر .
حلى : هلا جنوو
جنى : عمي واافق .
حلى مبسوطه : إي
جنى : خلاص أجل بقوم ألبس عبايتي .
حلى : أووكي سلام .
نهى : دآمنا بنروح السوق يبه نبي مااني .
أبو حلى : ههههههه أبشري على هالخشم
طبعا ً أبو حلى ما يقصر على بناته وعطى كل وحده فيهم مبلغ زهيد من المال << لغه عربيه فصحى
وكل وحده فيهم باست راس أبوها ويده
نروح لبيت أبو الوليد
الوليد : هاه مها جاهزه .
مها : إيه , مشينا .
أم فارس : حبيبتي خلصي عشان ترجعين بدري وترتاحين
مها بإحراج : إن شاء الله يمه
طلعوا الوليد ومها من البيت متجهين لبيت عمهم أبو فارس
مها والمسافه موب بعيده بين البيوت مها تدق على جنى
جنى : هلا مهوي
مها : ترانا برا
جنى : يلا طالعه اللحين
أم فارس : مها برا
جنى : إي يمه مع السلامه
أم فارس : الله يحفظك يا يمه وعقبال ما أفرح فيك إن شاء الله
جنى فتحت باب السيارة
جنى : السلام عليكم
الوليد و مها : وعليكم السلام .
الوليد : كيفك جنى وطبعا ً الوليد كانت عيونه في المرايه ويوزع إبتسامات
جنى منحررجه : بخيير جعلك بخير
الوليد بإبتسامة عذبه : جعله مديم يارب
جنى : ويآك
وصلوا لبيت أبو حلى
مها تدق على حلى
حلى : هلا مهووي
مها : يلا احنا برا ننتظركم .
حلى : اللحين طالعين سلام .
حلى تنادي خواتها : نهووي , غلا يلا تراهم برا
غلا : يلا مشينا
أم حلى : أنتبهوا لأنفسكم
البنات : إن شاء الله يمه
طلعوا البنات وركبوا السيارة
حلى ونهى وغلا : السلام عليكم
الوليد : وعليكم السلام , وش أخباركم بنات عمي
البنات : بخيــــــــر ربي يسلمــــــــــــك .
الوليد : جعله مديــــــــــــم
نروح لبيت الجد والجده
الجد : تصدقين يا أم محمد مبسووط لأني أخيرا ً راح أشوف مها وفارس حياتهم كلها فرح وسعاده إن شاءالله .
الجده : الله يتمم لهم خير ويوفقهم يارب ونفرح فيهم ونفرح بباقي البنات والعيال .
الجد : اللهم آآمين في هاليوم الفضيل الله يبلغنآ فيهم ونشوف عيالهم .
الجده وهي مبسوطه : آآمين
نرجع للبنات
الوليد نزل البنات للسوق : بنات أنتوا خلصوا أغراضكم , وأنا بروح محل هنآ رجالي .
البنات : طيييب .
الوليد راح والبنات دخلوا للسوق , دخلوا محل للفساتين وهالمحل عنده موديلات مرره روعه .
نهى : وااااااو شي هالفوستان وش رايكم فيه
مها : يجننن بيطلع عليك يهبل نهووي حلوو
حلى : بصراحه الموديل واللون رهيييب
غلا : شييي خونفشاري .
جنى : تبينه أخذيه , الصراحه بيطلع عليك روعآآآ
نهى عجبها الفستان
نهى : لو سمحت بكم هذا الفستان ؟
صاحب المحل : ب300 وفي منه ألوان
نهى : وشو ألوانه
صاحب المحل : في اللون الرمادي , والأحمر , والفوشي , والأزرق الفاتح , والتركواز هذا اللي في يدك .
نهى تاخذ راي البنات : صبايا وش رايكم ؟
البنات : التركواز فظييع أخذيه .
نهى خذت التركواز
خلوني أوصف لكم شكل الفستان :-
الفستان من نوع أسترج ع الجسم << طبعا ً نهى ماشاء الله جسمها جسم عارضة أزياء وفيها طول , طولها حلو
وفيه ذيل لاهو طويل مرره ولا هو قصير ومن عند الصدر فيه شريطه سوده والقماش نفسه تركواز على لمعه خفيفه
موديل نهى بسيط وحلو << والبساطه بيني وبينكم أحلى بكثيير من الفساتين الدفشه .
صاحب المحل : ملبوس العآفية أختي .
نهى : الله يعافيك .
طلعوا البنات من المحل ودخلوا المحل الثاني , ماخذوا شي عنده فساتين حلوه لكنها دفشه شوي وهم يبون فساتين ناعمه وراقيه . ودخلوا المحل اللي بعده
حلى دااخت على فستان أسود قصير تحت الركبه
وحلى بشرتها بيضه يعني حلووه عليها الألوان الفاقعه والغامقه .
حلى : وااو صبايا يجنننن .
غلا : رهيييب
مها : بيطلع علييك خقق
جنى : رووعه أنا أقول أخذيه
نهى : حلوو وأنتي بتحلينه .
حلى : لو سمحت هذا الفستان كم قيمته ؟
صاحب المحل : والله هو ب300 بس راح أخليه 280
حلى : صبايا آخذه .
البنات : أخذيه يجنن
حلى خذت الفستان خلوني أوصف لكم شكله
فستان بدون أكمام , تحت الركبه يعني مو قصيير مررآ , وعند الصدر فيه ورده سوده مع ريش فوشي ومن أطرف الفستان صاير مموج الصراحه الموديل حلوو وكلاسيكي
صاحب المحل : عليك بالعافيه .
حلى : الله يعافيك .
وبعد هالمحل دخلوا محل ثاني وجنى طاحت عينها على فستان نيلي رووعه عجبها اللون كثير وعجبها موديل الفستان
جنى : وش رايكم صبايا
البنات : خونفشااااري
جنى : لو سمحت كم قيمة هذا الفستان ؟
صاحب المحل : 350
جنى : يلا 300 بس من غير 50 << الحريم لازم المكااسر
صاحب المحل : ولا يهمك ب300 عشان تكونين زبونه عندنا
جنى : شـــــكرا ً
خلوني أوصف لكم فستان جنى
لونه نيلي والقماش العادي وطوله لين تحت الركبه , ومن عند الركبه مسوين فيه حركه حاطين شيفون يعني هو قصير لكن الشيفون مغطي وصاير ذيل من ورى بدون أكمام وفيه كرستاله بالسلفر عند الصدر مآرآ كيووت
وبعد هالمحل دخلوا محل ثاني , غلا عجبها فستان لونه أخضر , اللون الأخضر الملكي الفستاان رووعه , تحت الركبه ومن عند الصدر مكسر والفستان كأنه فستان ممثله يعني ماسك ع الجسم رووعه صرآحه وعند الصدر كرستاله بالسلفر
غلا : لو سمحت كم قيمة هالفستان ؟
صاحب المحل : ب290
البنات : لآ تترددين روووعه .
غلا خذت الفستان واللحين جا دور مها
مها : مابي فستان نافش ودفش يثقل علي , أبي فستان حلو بس ناعم
نهى : خلونا نشوف هالمحل شكله عنده فساتين حلوه
دخلوا البنات المحل مها عجبها فستان
مها : بنات شوفوه حلوو
البنات أنبهروا بالفستان : يهبببببببببل مهووي مرره حلوو
خلوني أوصف لكم الفستان اللي أختارته مها
لونه لحمي مع درجة البنفسجي الغامق مره ومن تحت الركبه والذيل تور ممزوج باللونين ومنفوش شوي والصدر عليه كرستال باللون البنفسجي الغامق وبدون أكمام يعني الفستان رووعه ليوم خطوبه
مها : بصراحه عجبتني ألوانه والموديل خقققق .
البنات : والله يهببل مهوي أخذيه يجنن
مها : لو سمحت كم قيمته هالفستان ؟
صاحب المحل : بـ 400
حلى : أخوي عاد أول مره ندخل محلك راعنا شوي بالسعر عشان نجيك مره ثانية .
صاحب المحل : ولا تاخذون على خاطركم عشانكم بخليه بـ 300 هذا آخر سعر .
مها : وش رايكم أتوكل على الله وآخذه .
البنات : يهبببببببببببببببببل أخذيه والله حلوو ماشاء الله .
مها خذت الفستان وطلعت من المحل مبسووطه وراضيه .
وبعده راحوا لمحل الشوزات دخلوا محل فيه أشكال وأنواع الكعب .
نهى : خذت كعب قماش لونه أسود وفيه فيونكه في الوسط على شكل فستانها .
غلا : خذت كعب باللون السلفر رووعه مايل ع اللمعه .
حلى : خذت كعب لونه فوشي وفيه فيونكه سوده في الوسط يهبل .
جنى : خذت كعب باللون السلفر .
ومها : خذت كعب باللون البنفسجي الغامق نفس اللون اللي في فستانها .
ومن محل الشوزات على محل الإكسسوارات طبعا ً البنات كلهم أشتروا ماعدا مها << لأنها بكره راح تكون مميزه فارس راح يلبسها اللي أغلى من الذهب ][ شبكتها ][
نشوف البنات وش خذوا
البنات أتفقوا ما يخذون سلاسل خذوا خواتم وشغابات بس
وإكسسوارات للشعر حلووه مناسبه لألوان فساتينهم .
البنات تعبوا من الفرفره
نهى : بنات بعزم سوير عشان تجي بكره
مها : خليها تجي , كلميها .
نهى دقت على سارة
سارة : يالبىىىى هالصووت وهالرقم هلا والله .
نهى : ههههههه لبى رووحك , سوير أسمعي بكره خطوبة مهوي بنت عمي أبيك تجين عند بيتنا وبعدين أدليك بيت عمي .
سارة مبسووطه : ألف , ألف مبرووووك ومين سعيد الحظ
نهى تضحك : الله يبارك فيك يا قلبي , المعرس أخو جنى فارس .
سارة : ياعيني ياعيني , متى الخطوبه قلتي ؟
نهى : بكره لازم تجين ولا ترى بزعل منك
سارة : لا , لا , كله ولا زعلك خلاص بقول لأمي عشان أروح السوق , لازم أكششخ .
نهى : ههههههههههه طيب وقولي لأمك تجي بعد مع الحريم .
سارة : إن شاء الله ياقلبي .
نهى : يلا أخليك لأني في السوق .
ساره : طيب حبيبتي مع السلامة .
حلى : هااا بتجي
نهى مبسوطه : إيه إن شاء الله , بعد كلم الهنوف تجي .
مها : يلا كلميها خلينا نشوف صديقاتك
نهى دقت على الهنوف .
الهنوف مبسوووطه : هلا والله نهوووي وحشتيني .
نهى : هههههههههههه يا دؤؤبا وأنتي أكثر
الهنوف : وينك فيه ؟
نهى : أنا في السوق أتقضى لخطوبة مهوي بنت عمي , أنا متصله عشان أعزمك بكره خطوبتها لازم تجين
الهنوف : ألف , ألف مبروووووك تستاهل كل خير , إن شاء الله راح أجي .
نهى : أنتي تعالي عند مدرستنا هناك وأنا أدليك البيت .
الهنوف : خلاص إن شاء الله على خير .
نهى : أجل أنا أخليك
الهنوف : طيب غلاتؤؤ في حفظ الله .
البنات : بتجي .
نهى : إيه إن شاء الله .
مها : أبي أكلم الريم تجي يا حبي لها .
غلا : لا يجي أخوها يكفي اللي جانا منه .
حلى : ما ظنتي بيجي عقب اللي صار , وبعدين الريم مالها ذنب طيبه وقلبها أبيض .
مها دقت على الريم
الريم : هلا مهاااا
مها : هلا ريوومه كيفك ؟
الريم : بخير حبيبتي أنتوا كيفكم .
مها : أحنا بخير دامك بخير , الريم بكره أبيك تجين بيتنا أنتي وأمك
الريم : خير مها فيكم شي ؟
مها تضحك : لا مافي شي , بس بكره خطوبتي وأبيكم تجون
الريم فرحاانه : أنخطبتي مها
مها بإحراج : إيه ولد عمي خطبني أخو جنى .
الريم وهي مبسووطه : ألف , ألف مبرووووك حبيبتي تستاهلين كل خير , وأبشري إن شاء الله بكره راح أجي ويا أمي
مها : حياكم الله
الريم : بس ما أدل بيتكم ؟
مها : أخوك راكان يدل بيت جدي خليه يروح هناك وكلميني وراح أدليك بيتنا .
الريم : خلاص حبيبتي أشوفك بكره إن شاء الله على خير
مها : إن شاء الله مع السلامه .
البنات : بتجي
مها : والله ما سمعتوا صوتها وهي تكلمني فرحاانه كني أختها .
غلا : والله الريم حرام تكون أخت راكان .
جنى : خلونا من الماضي وشوفوا الوليد وينه فيه عشان نرجع لبيوتنا .
الوليد دق على مها
مها : هلآ خيوو .
الوليد : خلصتوا .
مها : إيه
الوليد : أطلعوا أنا برا
طلعوا البنات وركبوا السيارة ومن السوق على بيت أبو حلى نزلوا البنات ومن هنآك على بيت أبو فارس
جنى بإحراج : يعطيك العآآفيه ولد عمي تعبنآك معنا .
الوليد متشقق : تعبك رآآآآحه << والنظره لااااازم .
مها تستهبل : عقبالك يا خوي .
الوليد ووجهه ألوان : آآآآآآآآآآآآآآآآآآآآآآآآآآآآآآآآآمين .
وأخيرا ً مها دخلت البيت وصارت توري أمها الفستان وأم الوليد مرره عجبها الفستان وأم الوليد صارت توري مها شكل مسكة الورد في الألبوم , مها عجبها الورد كثير , وأم الوليد توري بنتها كوشة الخطوبه << أم الوليد هي اللي حبت تسوي لبنتها الكوشه طبعا ً بإتفاق مع أم فارس وخصوصا ً أنهم أهل مقربين لبعض يعني مافي رسميات .
وجنى نفس الشي لبست الفستان وصارت تستعرض عند أمها وكان يهبببل عليها
وحلى ونهى وغلا ما يقلون عن مها وجنى وأم حلى مبسووطه كثيير وتدعي في قلبها لبناتها ربي يوفقهم وتشوفهم عرايس . والبنات متفقين على الميك آب راح يجونهم 4 يعملون للبنات والحريم الميك آب والشعر , بصراحه كان يوم الجمعه حآفل بالتجهيزات ولو أنه يوم واحد بس كان كل شي دقيق من الطرفين بيت أبو فارس وبيت أبو الوليد .

وأخيرا ً جا اليوم الموعود اللي الكل ينتظره
][ إحسآس دوسريه , وخفوقيآت , والأهل والعاشقين مها وفارس ][
أذن المغرب الكل جاهز ومتحمس الرجاجيل وصلوا والبنات والحريم موجودين الخوال والعمام والجد والجده
الحريم جالسين في الصاله وصالة بيت أبو الوليد كبيره ماشاء الله يعني الصالة صارت فاضيه مافيها إلا كوشة مها وطاولات على عدد الحاضرين والمسؤله عن الدي جي << لازم .
الرجاجيل في مقلط الرجاجيل برا .
الناس جالسه تحت , والبنات فوق مع مها وأم مها
البنات طالعين يهبلووون خلوني أوصف لكم أشكالهم
حلى أسم على مسمى صراحه كانت رووعه ماشاء الله ملكة جمال حلى حاطه ميك آب دخاني ولمسه خفيفه باللون الفوشي والروج الفوشي الخوقااق والبلشر الفوشيا وشعرها مفتوح ولين ظهرها وكله كان مموج طالعه روووووعه بمعنى الكلمه .
غلا تهببل فستانها ماسك على جسمها كنها ممثله أجنبيه ولي تحت الركبه , ومكياجها ممزوج بالأخضر والسلفر لكنه حلوو وهادي موب دففش , والروج أحمر خونفشاري والبلشر روعآآ وتسريحتها عجيييبه تعرفون التسريحه المموجه رفعه لكنها على تحت موفوق مثل تسريحات أبيض وأسود قديما ً اللي رجعت موضتها اللحين طالعه ملاااااااك .
أخت المعرس جنى فستانها لونه نيلي وسلفر , ظلها نفس درجات الفستان والروج زهري لاهو غامق ولا فاتج عآجيييييييب والبلشر نفس لون الروج ومسويه تسريحه زي الكع كع موب مرفوع مره ولا نازل مره وسط وبف وحاطه إكسسوار ع الجنب طالعه نعوومه وتهبببببببببببببببببل .
نهى : حاطه ميك آب ظلها أسود على لون الفيونكه ومكبر عينها وطااالعه تهبل تهبل تهبل , والروج أحمر مطفي رووعه والبلشر , نهى ماحبت تكبر نفسها تسريحتها كلها كيرلي وشعرها جاي ع الجنب ومطلعه قصه وحاطه فيونكه تركوازيه طالعه خقققققققققققققققققققق .
عروستنا الحلوه مها آآآيه من الجمااال مكياجها , الظل ممزوج بين اللحمي والبنفسج روووعه صراحه , والروج لحمي زي درجة لون الفستان والبلشر كذلك , والتسريحه خلوني أوصف لكم التسريحه , التسريحه اللي تستشورين الشعر وتقسمينه نصين نص مسدوول ومستشور وحرير والنص الثاني اللي فوق يكون زي رفعة البف وحاطين لها تاج ناعم طالعه ماشاء الله يخزي العييين << بيسييح المعرس هههههههههه .
البنات صاروا يصورون مع مها وعقبها قرروا ينزلون مها تحت عند الناس اللي حاضرين لها والبنات ماسكين سلال ورد وفل
وحطوا لمها أغنية ][ أقبلت أحلى العرايس ][
أقبلت أحلى العرايس
أقبلت والنور معها
ولا إله إلا الله .. ألف الصلاة على محمد
أقبلت أحلى العرايس
أقبلت والنور معها
بصوت حسين الجسمي وفاطمه والبنات يقطون الورد على مها اللي كانت في قممة الجمال وأحلى عروووس .
بعد مادخلت مها وجلست شوي دخلوا المعرس فارس
وزفوه بأغنية المعرس اللي أعتدنا عليها في الخليج
يآ معيريس عين الله ترآك
القمر والنجوم تمشي ورآك
ويتغنى القمر
والنجوم ترد عليه
ويا معيريس عين الله ترآك
القمر والنجوم تمشي ورآك
الكل مبسووط لمها وفارس وأم الوليد تسلم على أم فارس والأرض موب شايلتهم من الفرحه
وحطوا لهم أغنية الله يهنيك فيني والله يهنيني فيك أغنية أسيل
وكان فارس مبسوط يلبس مها الشبكه , ويشربها العصير وتشربه ويأكلها الكيك وتأكله طبعا ً فارس منذهل من القمر اللي واقفه جنبه << بس في ناس هههههههه صبرٌ جميل .
وعقب هالأغنية حطوا لمها وفارس أغنية ماجد المهندس


\.... ماصدقت......\


ماصدق انا ماني مصدقني ..


ماصدقت نتلاقى انا مانيمصدقني
حابس فرحتي فيني خوف عيوني تخدعني ...


احنا مع بعض معقول المعجزحصل لا تقول


لو هذا حلم لاسمح له من يفوقني ...


جازى الله الصدف عنيوعنك خير


ياسيدي البشر يا غير ..
لي واقف بعيد اقرب ماحنيت لا احضاني؟..؟


لاتعتب ولا اعتب انسى نفسك انساني ؟؟


خلينا مكفينا اللي صار
ماصدقت نتلاقى ..


لو تدري شحصل وانت مفارقني


ماكنت اعرفني ...لوبمرايه تلمحني احسب انت وانده لك


مدري صرت تشبهني والا صرت اشبه لك


وخلينا مكفينا اللي صار
ماصدقت نتلاقى ....


احنا مع بعض معقولالمعجز حصل لا تقول


لو ه ذا حلم لا سمح الله من يفوقني ............

من بعد هالأغنية دخلوا مها وفارس المجلس عشان ياخذون راحتهم طبعا ً , أما البنات فالينها برا يرقصون مع الريم وسارة والهنوف وبنات خوالهم على أغنية موضي الشمراني
حبيبي اللي سكن بالعين عليه أحسد أنا عيني ألا ياليت لي قلبين وأحبه بكل قلبيني .
في المجلس
مها مارفعت عينها منزله راسها في الأرض
فارس رفع راس مها : مبرووك عليك فرووس .
مها مستحييه حدها وتضحك : الله يبارك فيك .
فارس وهو ماشال عينه عن مها : وش هالقمر اللي قاعد جنبي تهبلييين .
مها وهي منحرجه : تسلم .
فارس : مبسوط يا مها حاس أني أحلم للحين موب مستوعب خلاص مافي حواجز بيني وبينك
مها قلبها يدق بسسسسسرعه .
فارس حط يده في يد مها وقرب من أذنها وبصوت أشبه للهمس : أحبـــــــــــــــــــــــــــــــــــــــــــك .
مها سآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآحت .
فارس : أحم يعني ماراح أسمعها منك ؟
مها منحرجه : وأنا بعــــــــــــد
فارس : وأنتي بعد وشو ؟
مها : أحبـــــــــــــــــك .
وطوووووط << هههههههه شفره
الساعه صارت 10 ونص وصاروا الناس يتعشون
بعدها بشوي سارة تعذرت لنهى أنها بتروح البيت
سارة : تهبل مها الله يحفظها وحتى المعرس ماشاء الله وسيم .
نهى : أجلسي سوسو .
سارة : لازم أروح غلاتؤؤ باي
نهى وصلت سارة لبرا وإلا بطلعة عبد العزيز من المقلط
عبد العزيز يبي يستوعب اللي قدامه نهى موب قادر فعلا ً كان شكلها روووعه ومتغيره , أخونا في الله عبد العزيز دااااخ ونهى حست بإحراج ومن غير كلام ركضت لدااخل زين ما أنكسر كعبها وقلبها دق بسرعه وعبد العزيز مييت ضحك على شكل نهى بس الرجاال صار خبر كاااان َ
أنتهى البارت أتمنى أنه عجبكم
وقولوا عقبال الباقين . إن شاء الله
وعقبااال كل آنســـه وعقبال كل أعزب .. دمتوا بحب وسعآآآده

البارت { التاسع والعشرون من روآية غرق الغرقآن أكثـر ~

الأهل في مكانهم المعتآد في العزبة , والجو كآن رآآيق
وحلوو , الساعه تقريبا ً 4 العصر .
نهى كانت في الحديقه تتمرجح دقت على سارة
سآرة : هلا والله نهووي .
نهى تبتسم : هلا فيك سارونه كيفك ؟
سارة مبسوطة : بخير قلبوو أنتي كيفك ؟
نهى : أنا بخير الحمدلله .
سارة : جعله مديم غلآتؤؤ .
نهى : ويااك سووس .
سارة : وش فيك نهوي حآسه إنك موب على بعضك !
نهى : مافيني شي بس ودي أسولف معك , أفض فض لك .
سارة : أسمعك يآقلبي قولي وش فيك ؟
نهى : سوس وش معنآة الإنسان لما يرتاح لإنسان ثاني ؟
سارة : هاذي يبيلها سؤال , معنآته يحبه
نهى : طيب وبعد ؟
سارة تضحك : هييي وشو اللي طيب وبعد ! وبعدين ليكوون تحبين نهووي .
نهى : ولد عمتي يحبني سوس
سارة تصرخ : يعني بشووفك عروس ويا وجهك !
نهى : وجع فقعتي طبلتي , للحين مآ صار شي هو أعترف لي وأنا مدري مرات أحس إني أرتاح له ومرات أحس إني أحبه , ومرات أحس إني ما أقدر أستغني عنه يعني شعور مختلط .

سارة : نهووي هاذي كومة المشآعر كلها لها معنى واحد وهو إنك تحبين ولد عمتك .
نهى : أخاف أتعمق في الشعور هذا .
سارة : والله يآ نهووي القلب ما ينتظر منك إشارة عشان تقولين مدري أحبه ولا ما أحبه .
نهى تستهبل : وش عندك صايره بنت عم المتنبي ؟
سارة : ههههههههههههههههههههه
نهى : خلاص سوسو أنا بقفل اللحين أكلمك بعدين
سارة تستهبل : طيييب يا جوليييت , أنتبهي لا يضيع منك روميو .
نهى تضحك : ههههههه تتريقين مالت علييك أنقلعي .
سارة : ههههههههههههههه يلا باي
نهى : باي قلبوو .
قفلت نهى من سارة وصارت تفكر بكلامها وبدت تحس أنها فعلا ً ما تقدر تتهرب من هالشعوور .
عند الشباب
فارس : شباب خلونا ننزل تحت نلعب بلي ستيشن
عبد العزيز : قداام .
الوليد : يلا شباب .
طلال : يلا نواف .
نواف : روحوا أنتوا مالي خلق .
فارس : نواف وش فيك ؟
نواف : مافيني شي راسي مصدع وأبي أرتاح .
الشباب : على راحتك .

نروح للبنات
مها : وين راحت نهوي ؟
غلا : مدري أختفت .
جنى : يمكن تتمشى في الحديقة
حلى : ما قالت
دخلت نهى الغرفة عند البنات
غلا : وين كنتي ؟
نهى : رحت المول
مها : تستهبلين صح ؟
نهى : لا اتكلم من جد
حلى تضرب نهى بالمخدة .
نهى تستهبل : يعني وين بروح أتمشى تحت في الحديقة .
جنى : وش عندهاا صايره شآعريه هالأيام
مها : ليكون القلب يهوى من ورآنا .
نهى : يووه أنا وين وأنتوا وين , إلا ما قلتوا لي وشو الجدول اليوم ؟
غلا تستهبل : تآريخ و رياضيات
البنات : ههههههههههههههههه
نهى : يا شييينه ذكرتيني بالسكوول .
نرجع لغرفة الشباب ونواف اللي كان جالس في الغرفة لحاله
نواف أخذ جواله ودق على جنى
جنى : هلآ نواف
نواف : هلا جنى .
جنى : وش فيك نواف
غلا قلبها أنقبض
نواف : مافيني شي .
جنى : أنت تعبان
نواف : حآس نفسي مرهق وراسي مصدع .
جنى : سلامتك يا الغآلي .
نواف : الله يسلمك , امم جنى ابي اكلم غلا ممكن تعطينها الجوال شوي .
جنى : طيب خيوو
جنى تكلم غلا : نواف يبي يكلمك
غلا خذت جوال جنى وطلعت برا
غلا : هلا نواف
نواف : كيفك غلا ؟
غلا بخوف : أنا بخير , أنت طمني عليك وش فيك تعبان
نواف يضحك : وش فيك يا غلا هدي مافيني شي , بس مجرد صدااع وإرهاق , وبعدين يهمك إذا كنت تعبان ولا لأ
غلا : طبعاً يهمني
نواف : وأنتي بعد تهميني كثييير .
غلا وجهها ألواان وسييييييين ولا كلمه
نواف : طيب بغيت أسألك مين الشخص اللي يبي يقابلني تراني من أمس وأنا أفكر
غلا : لا تتسرع يا نواف كل شي بوقته حلوو.
نواف : يعني ماراح تقولين لي ؟
غلا : لا
نواف : طيب , أنا أخليك
غلا : ما يهون علي زعلك , بس ما أقدر أقول لك
مع السلامة
نواف : مع السلامة
غلا دخلت عند البنات
البنات : وش عندكم أنتي ونوافووه ؟
غلا : نواف يبي يعرف مين اللي بيجي اليوم عشان يقابله
نهى : طيب كان قلتي له !
غلا : لا أنا أبي أعرف ردة فعله .
حلى : والله ما أقول إلا الله يستر .
جنى : إن شاء الله ما يصير إلا كل خير .
مها : إن شاء الله
نروح لغرفة الجد والجدة
الجد : أنا بطلع يا أم محمد بنروح أنا وعيالي لأبو راشد عازمنا على العشى .
الجدة : الله يحفظكم , بس ما قلت لي متى بتروحون ؟
الجد : بنروح بعد صلاة المغرب إن شاء الله .

نروح لغرفة أم حلى وأبو حلى
أم حلى : ليه عازمكم ؟
أبو حلى : والله مدري أبوي يقول عازم رجاجيل بعد .
أم حلى : طيب لا تتأخر .
أبو حلى يضحك : ليه ؟
أم حلى : وشو اللي ليه ؟
أبو حلى : أقصد ليه ما تبيني أتأخر ؟
أم حلى : يعني أبي أجلس أسولف معك , وبعدين ودي أطلع يا بو حلى من زمان ما طلعنا .
أبو حلى يبوس راس زوجته : أدري من زمان عن الطلعه , بس أبشري يا الغالية مالك إلا طيب خآطر
أم حلى : الله يرضى عليك دنيآ وآخره ويخليك لنا ولا يحرمنآ منك .
أبو حلى : ولا يحرمني منك ولا من بناتي .

نرجع للبنات
البنات جالسين يشوفون برنامج على قناة المرأة العربية
للفاشن والميك آب
مها : واااو يجنن , حلو الفستان .
غلا : ألوانه رووعه .
حلى : بسوي كذا لعرسك مهوي
نهى : يهبببل .
جنى : وهذا الموديل حلو بعد

نروح للشباب

الوليد : القعده موب حلوة من غير نوافوه
عبد العزيز : فروس وش فيه نوافوه ؟
فارس : والله مدري عنه سألته قدامكم وقال مصدع ويبي يرتاح يمكنه ضايق خلوه يرتاح شوي
طلال : طيب اللحين بيأذن قوموا خلونا نتوضأ
الشباب : يلا قاموا الشباب يتوضون عشان يصلون , أذن المغرب وبعد ما صلى الجد مع عياله وصى العيال ينتبهون للحريم .
الجد : يا عيال أنتبهوا لأهلكم أنا و العيال , معزومين على العشى عند أبو راشد , لا أوصيكم على بنات عمكم وجدتكم وحريم عمامكم .
الشباب : إن شاء الله يا جدي .
أبو فارس مستغرب : فارس وين نواف ؟
فارس : يبه نواف يقول راسه مصدع خليناه يريح شوي
الجد : فارس أكيد نواف مافيه شي ؟
فارس : والله مافيه شي أسألوا الشباب .
الجد : خلاص أجل توكلنا على الله .
طلعوا الرجاجيل والجد من العزبة وبقوا الشباب , والحريم , والبنات .
طلال : خلونا نطل على نواف
عبد العزيز : يلا خلونا نشوفه .
دخلوا الشباب وراحوا فوق عند نواف

نرجع للبنات
البنات للحين يشوفون التلفزيون , طبعا ً بعد ما خلصوا صلاة
دق جوال غلا
غلا : آلو
راكان : هلا غلا شلونك ؟
غلا : راكان .
راكان : إيه .
غلا : أنا بخير الحمدلله .
راكان : جعله مديم يارب .
غلا : تسلم وياك إن شاء الله
راكان : غلا أنا اللحين جاي للعزبه , أنا في السيارة صليت وركبت سيارتي على طول .
غلا صار قلبها يدق بسرعه من الخوف : اللحين وش أسوي يا راكان ؟
راكان يتوسل غلا : غلا الله يرحم لي والديك مابيك تتركيني في هالموقف أبيك تكونين معي أنا ونواف الله يخليك .
غلا : بسس يا راكان
راكان : تقفين يا غلا طلبتك لا ترديني .
غلا : إن شاء الله يا راكان
راكان : جزاك الله خير وعسى الله يجمعك بنواف قريب إن شاء الله , خلاص أنا بقفل اللحين وإذا وصلت للعزبه بكلمك .
غلا : طيب أنتظر إتصالك , فمان الله .
مها : شكله جاي
غلا : إيه في الطريق
نهى : الله يستر من ردت فعل نواف .
جنى : إن شاء الله ماراح يصير إلا كل خير وبعدين نواف أخوي وأعرفه زين قلبه أبيض ويسامح .
غلا : راكان طلب مني أكون معهم .
حلى بإستغراب : ليه ؟
غلا : لأني حسيت إن راكان بعد خايف من ردت فعل نواف .
نهى : كيف تجلسين معهم ؟
غلا تستهبل : بشعري وملابسي , بعد كيف بتستر كني بطلع لمكان بعبايتي وحالتي .
غلا : أسمعوا مابي أمي ولا جدتي ولا أي أحد يحس بالموضوع بس أنتوا سامعين , وبكلم نواف لا يدرون الشباب
البنات : طيب

عند الشباب
الشباب خذوا البلي ستيشن وجلسوا يلعبون تحدي
وأنواع الإستهبال والدجه وكان الوضع عادي وروقان .

وصل راكان للعزبة , ودق على غلا
غلا : ألو , هلا راكان
راكان : هلا غلا أنا وصلت واقف برا , بس باب العزبة مسكر .
غلا : في جرس برا للسواق , مجيد رن هالجرس ويرد عليك
قول له أنك صديق عيال عمي وبيدخلك وروح للخيمه .
راكان : طيب , لا تتأخرين يا غلا .
غلا : بس ألبس عبايتي وأجي
وقفل راكان من غلا
راكان رن الجرس وطلع له مجيد
مجيد : نعم بابا
راكان : أنا صديق فارس , نواف , عبد العزيز , طلال , الوليد .
مجيد فتح الباب : تفضل بابا أنا كلام بابا
راكان أرتبك : لا أنتا روح غرفة أنا في كلام بابا , هو كلام خلي مجيد يبطل الباب .
مجيد يهز راسه : أااا ودخل الغرفة , بعد ما تطمن راكان إن مجيد دخل راح للخيمة وجلس فيها .
البنات : طيب نبي نتطمن عليك غلوو
غلا : ليه الرجال بياكلني , مابي أحد يجي معاي , تبون تتطمنون علي طلوا من البلكونه عشان ترتاحون .
البنات : طيب
أنزلت غلا بسرعه من الدرج وصارت تركض والبنات يطلون عليها من البلكونه ولما وصلت صارت تاخذ نفس عشان تبين لراكان أنها هاااديه دخلت غلا داخل
غلا : السلام عليكم
راكان : وعليكم السلام ورحمة الله , كيفك غلا .
غلا أنصدمت بشكل راكان اللي أول كان ماشي ع الموضه بتسريحة شعره ولوكه في الملابس واللحين لابس ثوب وشماغ وطالعه له لحية مو كبيرة يعني بس متغير 180 درجة ولا رفع راسه وحط عينه في عينها
غلا : أنا بخير الحمدلله , ما شاء الله عليك تغيرت يا راكان
راكان : هذا من فضل الله الحمدلله , وأتمنى من نواف أنه يسامحني .
غلا : الله يصفي النوايا والقلوب , ع العموم أرتاح وأنا بروح أكلمه عشان يجي .
راكان : بإنتظاره
غلا طلعت من الخيمة ودقت على جنى
جنى : هلا غلا
غلا : أسمعي كلمي نواف قولي له تقولك غلا أنزل تحت من غير ما يحسون فيه الشباب أنتظره بسررعه .
جنى : طيب , طيب
جنى دقت على نواف
نواف : آلو هلا جنوو
جنى : أسمعني نواف غلا تبيك هي تحت في الحديقة بس تقولك أنزل لها من غير ما يحسون الباقين .
نواف متحمس : طيب , نواف قام من السرير
طلال : وين بتروح ؟
نواف : بروح لأمي ولا ممنوع , كملوا اللعب شويات وراجع لأحد ياخذ دوري .
الشباب مندمجين مع اللعب : طيب
نزل نواف بسرعه تحت وراح لغلا اللي كانت تنتظره نواف كان مستغرب ليه غلا لابسه العبايه والطرحه وكأنها متوتره وموب على بعضها .
نواف بإستغراب : غلا وش فيك وليه لابسه عبايتك ؟ !!!
غلا سحبت يد نواف : تعال معي وتعرف
والبنات للحين واقفين ويطلون مع البلكونه وخايفين من ردت فعل نواف .
نواف دخل الخيمة أنصــــــــــــــــــــــــــــــــدممممم صدمة قووووووويــــــــــــــــــــــــــــــه .
نواف بعصبية : رااااااااااااااااااكــــــــــــــــاااااااااااااا ااااااااان
راكان حط عينه في عين نواف ولأول مره بعد الحادث يلتقون
راكان مد يده لنواف : السلام عليكم .
نواف مسك راكان من رقبته من عند الثوب : وبعد تسلم ولا وجاي برجولك هنآ يا الحقير يا الخسييس , جاي وبكل قوات عين عقب اللي سويته في غلا وفيني .
راكان ساااكت وخوفه في محله وترك نواف يبرد حرته على راحته ما قال ولا كلمه
غلا تبعد يد نواف عن رقبة راكان : نواف عييب موب كذا يستقبلون الضيف , ولا تنسى إن راكان صديقك .
نواف صار يصرخ : وتدافعين عنه بعد , عقب اللي سواه فيك , أي صديق اللي تتكلمين عنه هذا شيطان على هيئة بشر .
غلا : نواف الرجال جاي عشان يعتذر منك على كل اللي صار , تكلم يا راكان .
راكان وضاقت أنفاسه : يا نواف أنا أعترف أني تعديت حدودي وغلطت غلطه كبيرة وتوقعت إنك راح تقابلني بهالطريقة لكن أنا ماراح أطلع من هنآ إلا لما تسامحني يا نواف , راكان اللي قدامك مهب راكان اللي كنت تعرفه قبل أنا ربي هداني الحمدلله واللحين على وجه زواج , أنا جاي أقولك سامحني يا نواف سامحني على غلطه بدرت مني , سامحني ع الجروح اللي سببتها لك واللي للحين ما طابت .
نواف : أطلع برا مابي أشوفك قدامي
غلا تناظر نواف : نواف وش قاعد تقول , راكان متعني وجاي لك , سامحه يا نواف
نواف وحس أنه بينفجر : قلت لك أطلع برااااااااااا
غلا صارت قريبه من نواف : نواف أرجوووك , حرام اللي تسويه
نواف : شوف أنا للحين ماسك أعصابي قلت لك أطلع برا مابي أشوفك هنآ .
راكان حس بضييق ما يعلم فيه إلا الله : بطلع يا نواف , بس والله إني جاي عشان أتسامح منك وأوعدك ما عاد تشوفني مره ثانية .
طلع راكان اللي كان خاطره مكسور << بس لا تلومون نواف لأن موقوفه صعب وأول مره يشوف راكان من عقب الحادث ويمكن لو نواف زاره هو بالمستشفى كان الموقف بيكون أقل حده وحساسيه شوي .
غلا وبصوتها نبرة حزن : نواف ليه تسوي كذا , أنا ما توقعت إنك تعامله بهالصورة .
نواف بعصبية : يعني كيف تبيني أكلمه ألمه بالأحضان , تكلمي يا غلا .
نواف أحس أنه مخنوق وصار يفتح أزاريره
غلا بخوف : نواف وش فيك ؟
نواف : حااس إني مخنوووق , مخنوووووق
غلا : بسم الله عليك .
نواف طلع من الخيمة , وطلعت وراه غلا وراح لغرفة مجيد
أخذ منه مفتاح السيارة , لأنه مايبي يركب فوق عند الشباب وهو بهالحاله .
غلا شوي وبتصيح : نواف وين رايح ؟
نواف بحزن : بطلع بشم هوا أحس إني مخنووق يا غلا .
غلا : الله يخليك , قول لفارس يروح معك
نواف لف عشان يطلع من العزبة : ما بي أحد يروح معي
غلا مسكت يد نواف وصارت تبكي : تكفى نواف مانبي يصير لك زي ماصار ذيك المرة مانبي نخسرك تكفى كلم فارس يروح معك عشان خاطري .
نواف ترحم لحالة غلا اللي تترجاه : طيب , روحي فوق
غلا : اللحين كلمه قدامي عشان أروح
نواف يناظر غلا وصار يمسح دموعها وطلع جواله ودق على فارس
فارس : هاه نواف .
نواف : أنزل تحت بسرعه أبيك
فارس : خير وش صاير .
نواف : يووه يا فارس أنزل وخلاص
فارس مستغرب : طيب , طيب
غلا راحت فوق , ونزل فارس والشباب مستغربين وش فيه نواف
غلا دخلت الغرفة وهي متضايقة
البنات : وش فيك غلا وش صار
غلا : نواف طرد راكان , واللحين كان بيطلع لحاله
جنى بخوف : ليكون طلع لحاله ؟
غلا براحة : لا ما جيت فوق إلا لما خليته يكلم فارس عشان يطلع معه
البنات براحة : زين سويتي فيه .
نهى : أنا قلت هالليلة ماراح تعدي على خير .
نروح لنواف وفارس اللي كانوا يدورون بالسيارة وفارس اللي كان يسوق .
فارس : وش فيك يا نواف منت بعلى بعضك اليوم , صاير شي وأنا أخوك .
نواف : مخنووق وأبي أتنفس يا فارس
فارس : بسم الله عليك من الضيقة يا خوي
نواف بعد ما هدى شوي : خلنا نرجع للشباب
فارس بإبتسامة : إي هذا نواف اللي أعرفه
وبعد ساعه من الف لفه رجعوا فارس ونواف للعزبه وعطوا مجيد المفتاح وراحوا عند الشباب , اللي كانوا يتطمنون على نواف
أما فارس دق على مها
مها : هلا حبيبي .
فارس : مها أطلعي من الغرفة أبي أجلس معك شوي
مها : طيب
مها : بنات فارس يبيني أنا بروح أتطمن عليه .
البنات : أخذي راحتك .
مها طلعت ولقت فارس ينتظرها عند الدرج وراحوا للمقلط
فارس باس يد مها بحناان : وحشتيني .
مها ووجها صار أحمر : وأنت أكثر يا قلبي .
فارس باين على وجهه الضيقه .
مها ويدها في يد فارس : حبيبي وش فيك ضايق ؟
فارس : والله يا مها احترت مع نواف مدري وش فيه ضايق اليوم وأنا أحس إن فيه شي
مها وطبعا ً عارفه نواف وش فيه : معليه حبيبي يمكنه تعبان
فارس : يلا ما علينا , طمنيني عليك ؟
مها : أنا بخير دامك بخير
فارس : دامك بخير الحمدلله
مها : فروس روح تطمن على أخوك وبينا فون .
فارس وقف ووقفت معه مها وصارت عينه في عين مها وأنفاسه قريبه من أنفاسها : الله لا يحرمني منك ياروحي .
مها : ولا يحرمني منك يا الغالي
ركبوا فارس ومها فوق فارس دخل عند الشباب
ومها عند البنات والجو كان متعكر
وراكان اللي كان يبكي من الضيقه ويتذكر صديقه اللي فرطه من أيديه بسبب طيش .
أنتهى البارت
وأتمنى أنه عجبكم ورآح نعرف وش بيصير في أحداث البارت الثلاثون
تتوقعون راح ترجع المياه لمجاريها بين نواف وراكان .
ودي لأروآآحكم

مــد خ ل
إيآك تلحقني ,‘ مخطوبه , مخطوبه
بن عمي يعشقني والغيره أسلوبـهـ
هو اللي في قلبي كل دنيتي و حبي
وعيني بس تشوفه وأنا له مكتوبه


البارت {31 }
الأهل موجودين في العزبة وللحين العطلة حلووة والأحداث
اليوم أكييد أحلى وأحلى وخلونا نروح لـ { الصبايآ }

حلى : بنات وش رايكم اليوم ندخل المطبخ نسوي حلى ونجهز القهوة والشآهي , يعني نسوي أي شي ؟
غلا : وش عندها , مطبخ منال العالم هههههههههه .
جنى : بنت عمي مره سننعه ماهوب أنتي وياها
نهى : قلبتي علينا اللحين أنتي ووجهك , وبعدين حلى شكلها تبي تعرس عشان كذا تبي تبدع اليوم .
مها تضحك : ههههههههه المعرس موجود
حلى تناظرهم بنص عين : اللحين بتقومون ولا وش السالفة ؟
البنات : بنقوم يلا .
رن جوال غلا , وغلا عرفت الرقم .
البنات : يلا غلوو
غلا : بنات أنتوا سبقوني
البنات : أووكي .
غلا عادت الرقم
راكان وباين على صوته التعب : آلو السلام عليكم
غلا : وعليكم السلام هلا راكان .
راكان : كيفك غلا إن شاءالله بخير .
غلا : أنا بخير الحمدلله , راكان وش فيك أنت تعبان
راكان بحزن : أنا مرقد في المستشفى
غلا بصدمة : ليه وش فيك يا راكان عسى ما شر ؟؟
راكان : والله يا غلا من بعد ما طردني نواف من العزبة وأنا حالتي النفسية متدهوره وما أنام الليل , أبي أرتاح يا غلا عشان أطلع من هالمستشفى , ضغطي دايم منخفض .
غلا وعينها متغارقه بالدموع على حال راكان : خطاك الشر ياخوي , يعلم الله إني كنت أتمنى إن نواف يستقبلك إستقبال أحسن من كذا ويجلس يتفاهم معك لكن شفت بنفسك وش صار أنا نفسي أنصدمت .
راكان : أمنتك الله يا غلا إنك تقولين لنواف إني بالمستشفى قولي له يرضى عني عشان أرتاح أنا تعبان حيل , حيل يا غلا قولي له أخاف أموت وأنا ما شفته , أخاف أموت وصديق عمري زعلان مني وشايل بقلبه علي تكفين يا غلا .
غلا بضيق : من عيوني يا راكان بس أنت أهدا شوي وريح نفسك وإن شاء الله بجلس أتفاهم مع نواف , لا تحاتي أترك الموضوع هذا علي وإن شاء الله ماراح يصير إلا كل خير وترجعون أنت ونواف زي قبل وأحسن .
راكان وكأن ردت له الروح شوي من كلام غلا : ما تقصرين يا غلا فيك الخير , لو وحده ثانية مكانك على كل اللي سويته فيها ما سامحتني وما عطتني مجال أعتذر من الأساس .
غلا بإبتسامة : لا تقول كذا يا راكان من يوم ما أعتذرت مني وقلت لي أنك تغيرت وأنا أعتبرك مثل أخوي واللي فات , فات وأحنا عيال اليوم والمسامح كرييم يا راكان .
راكان : جزاك الله ألف خير يا غلا والله معروفك هذا ماراح أنساه طول عمري , وأنا أخليك اللحين لأن الدكتور بيجي بعد شوي يقيس لي الضغط .
غلا : خلاص أجل ما تشوف شر مرة ثانية
راكان : الشر ما يجيك يا الغالية , في حفظ الله
غلا : مع السلامة
خلونا نشوف { الشباب }
فارس : متى ناوين تكلمون جدي وأهلكم ؟
الوليد : اليوم إن شاء الله .
نواف : أحسن حل نقول لجدي السالفة وبعدين يجمع أبوي وأمي , وعمي .
عبد العزيز : أهنيك ع الفكرة حلووة .
طلال : أحسن عشان تخلصون مره وحده , وعقبالنا أنا وعزوز .
الشباب : آآآمين .
نروح لغرفة { أم حلى وأبو حلى }
أبو حلى : الله لا يهينتس يا أم حلى سوي لي شاهي
أم حلى : من عيوني يا الغالي .
أبو حلى بإبتسامة عذبه : تسلم لي عيونتس .
نزلت أم حلى تحت ودخلت المطبخ لقت البنات شغالين
اللي تسوي كيك واللي تسوي قهوة واللي تسوي شاهي واللي يسوون فطاير
أم حلى : يا عيني يا عيني على بناتنا , والله حريم ماشاء الله
عااد البنات متشققين حححدهم
نهى وفي خشمها آثار الطحين : ماميتا وش رايك فينا اليوم صايرين حريم على غفلة خطط بنتك حلى
أم حلى تضحك على نهى وتمسح الطحين اللي في خشمها والبنات فاطسين ضحك على شكل نهى
أم حلى : أما أنتي يا نهى شكلك بدعتي على هالطحين اللي في خشمك .
نهى : عشان تعرفين بس إن بنتك أشتغلت بذمه وضمير .
أم حلى : هههههههههههههه , الله يعطيكم العآآفية كلكم , وعقبال ما تسوون لنا كيك وفطاير في بيوتكم ويلا كملوا شغلكم وإذا خلصتوا نادونا عشان نذوق اللي مسوينه .
حلى تستهبل : آفا عليك يمه وإذا عجزانين تنزلون ترى في خدمة توصيل منازل .
أم حلى تضحك على البنات وبعد ماسوت الشاهي طلعت من المطبخ
حلى : غلوو جيبي الحليب .
غلا كانت سرحانه وتفكر شلون تقنع نواف إنه يزور راكان
حلى بإستغراب : غلا حبيبتي وش فيك ؟
مها : غلا تعبانه فيك شي ؟
غلا جلست على الطاولة : مافيني شي , بس متضايقة شوي .
نهى جلست جنب غلا وباست خدها : آفااا وأنا بنت ناصر , مين زعلك فينا مين ضايقك ؟
جنى : بسم الله على قلبك من الضيقه يا غلا .
غلا بحزن : بنات راكان كلمني , وهو في المستشفى مرقد ضغطه دايم منخفض ويقول من يوم ما طرده نواف وهو تعبان نفسيا ً .
نهى : غلوي من جدك ولا تمزحين , راكان مرقد في المستشفى ؟؟
غلا تناظر نهى : هذا وقت مزح اللحين يا نهى .
جنى : حرام والله , الله يشفيه إن شاء الله .
مها: حرام لازم نواف يعرف إن راكان تعبان .
حلى : بس نواف معصب من راكان أصلا ً ماراح يعطيك فرصه إنك تكلمينه عن هالموضوع .
غلا : وهذا اللي أنا خايفه منه , إنه ما يعطيني فرصه أتناقش معه في هالموضوع .
نهى : والحل ؟
غلا : أنا راح أكلمه, وغصب عنه لازم يسمعني للنهايه , راكان أمني أوصل له خبر أنه في المستشفى .
نرجع للشباب
الوليد : أنا ونواف بننزل نكلم جدي
عبد العزيز : يلا وش تنتظرون ؟
فارس : الله يوفقكم إن شاءالله ويتمم لكم على خير .
طلال : ونسمع أخبار حلووة .
الوليد ونواف : إن شاءالله .
نزلوا الوليد ونواف تحت وراحوا لغرفة جدهم
الجد : هلا بعيالي
الوليد ونواف باسوا يد وراس جدهم
الجد : خير يا عيالي ؟
الوليد : الخير بوجهك يا جدي بس بغينا نجلس معك شوي ودنا نكلمك أنا ونواف في موضوع .
الجد دام كذا أجل تعالوا نروح للمقلط , وراحوا الجد والوليد ونواف للمقلط .
الجد : والله قلبي يقول إن في أخبار تسر إن شاء الله
الوليد يبتسم : هي تسر يا جدي وتدري أنت كبير العايله وأنت الخير والبركة عشان كذا جينا نكلمك .
الجد يناظر نواف : خير يا نواف وش عندكم ؟
نواف يناظر الوليد : والله ياجدي من غير لف ودوران أنا والوليد قررنا نخطب , وجيناك عشان تجمع أمي وأبوي وعمي أبو الوليد ومرته عشان نتناقش في الموضوع .
الجد يضحك : شكلي بشتغل لكم خطابه .
الوليد ونواف : ضحكوا غغصب هههههههههههههههههه محشووم يا جدي بس أنت كبير العايلة الله يطول لنا بعمرك .
الجد يضحك : ترى أمزح معكم , وهاذي والله الساعة المباركة ودنا نفرح فيكم كلكم ونشوف عيالكم إن شاء الله .
الوليد نواف : إن شاء الله
الجد يناظر الوليد : منهي اللي أمها داعيتن لها ؟
الوليد : أخت هاللي جالس يبي يخطب .
الجد يضحك : يعني جنى , والله كنكم متفقين وخالصين .
الجد يناظر نواف : وأنت يا نواف , منهي سعيدة الحظ ؟
نواف يناظر جده : إلا والله يا جدي إنها هنا في القلب ماهوب حظ .
الجد يضحك على نواف : وأنت ما تخلي سوالفك ؟
نواف : غلا بنت عمي ناصر يا جد وش رايك ؟
الجد بإبتسامة عذبة : والله ونعم ما أخترتوا , جنى وغلا أنا أشهد فيهم من الذرابه والعقل والأخلاق كاملين والكامل الله سبحانه , وحتى نهى وحلى ما شاء الله عليهم , شكلهم هالثنتين اللي بيبقون لعبد العزيز وطلال ؟؟ ولا أنا غلطان
الوليد ونواف يناظرون بعض : وش دراك يا جدي ؟؟!
الجد يضحك : هذا يبي لها تفكير بعد ما شاء الله شبكتوا العايله الكريمه كلها , بس المثل يقول القريب أولى من الغريب .
الوليد : اللحين يا جدي نبيك تكلم أمي وأبوي , وأمه وأبوه
الجد : شوفوا اللحين الساعه 5 إلا ربع بعد صلاة المغرب بنجتمع كلنا زي ما سويت لفارس بسوي لكم بعد أنتوا عشان الموضوع يكون رسمي ونشوف راي البنات وعقبها الله يتمم على خير إن شاء الله .
الوليد قام يبوس راس جده : مشكور يا جدي
نواف : والله أنت أكوس جد بالدنيا هاذي كلها الله لا يحرمنا منك يا الغالي ويطول لنا بعمرك .
الجد يبتسم : ويخليكم لي
نرجع للبنات
البنات جهزوا القهوة والشاهي والحلى والفطاير اللي مسوينها
وحطوها في الصالة وركبوا فوق عشان ينادون الحريم يتقهوون .
حلى : يلا بنات كل وحده تنادي أميمتها عشان تنزل تحت
نهى وحلى وغلا : يدقون باب أمهم وابوهم بكل هدوء
أبو حلى فتح الباب : يالله إن تحيي بناتي , خير يبه وش فيكم ناقصكم شي ؟
البنات : لا يبه كنا نبي نقول لأمي تنزل تحت هي وحريم عماني عشان يتقهوون .
أبو حلى يبتسم : ومين مسوي الحلوو
حلى : حنا والبنات يبه .
أبو حلى : والله حريم , بقول لأمكم تنزل اللحين
حلى سحبت نهى وغلا : عن أذنك يبه
أبو حلى : أذنكم معكم
أم حلى : مين ؟
أبو حلى : البنات , يقولون أنزلي تحت عشان تتقهوين مع حريم اخواني وأمي .
أم حلى : طيب .
أبو حلى : أنا بروح للمقلط لأن بعد شوي بيأذن المغرب
أم حلى : طيب .
عند غرفة أم الوليد
أبو الوليد وأم الوليد نازلين تحت
وأم عبد العزيز وأبو عبد العزيز بعد نزلوا تحت
عند غرفة أم فارس
جنى : يلا يمه
أم فارس : طيب
أم فارس طلعت من الغرفة : يا حبتس للحنه .
جنى تناظر أمها : يممه
أم فارس : يا عيني وش عندكم اليوم مدهرين في المطبخ .
جنى : أبد قلنا نسوي شي بدل جلستنا كذا , وإن شاء الله يعجبكم الحلى وتعجبكم الفطاير
أم فارس : دامها من يداتكم أكيد بتعجبنا
تجمعوا الحريم والجده في الصالة , والرجاجيل والشباب في المقلط حق الرجاجيل وصاروا البنات يحطون الحلى والفطاير في صحون للرجاجيل ويقهوون الحريم وسواليف وضحك ووناسه
الجدة : الله يعطيكم العآآفية يا بنات وعقبال ما ناكل هالحلى إن شاء الله في بيوت رجاجيلكم
البنات حسوا بإحراج وستأذنوا الحريم وراحوا فوق
بعد هالقعدة الحلووة بشوي أذن المغرب والكل قام يتوضا ويصلي .
خلونا نطلع من جو العايله شوي ونروح للمستشفى عند راكان
راكان كان منسدح ويتأمل في هالغرفة ويناظر هالفراش الأبيض .
دخل الدكتور عند راكان
دكتور خالد : مساء الخير يا راكان
راكان : هلا دكتور .
دكتور خالد وكان باين عليه القلق والتوتر : كيفك اللحين يا راكان .
راكان بحزن : أحس إن يوم عن يوم حالتي تزاد سوء
دكتور خالد كان ساكت ويناظر الأوراق اللي في يده
راكان مستغرب : دكتور وش فيك , وشهي هالأوراق اللي في يدك ؟
دكتور خالد : مجرد أشعات وتقارير طبيه .
راكان موب متطمن : دكتور أمنتك الله وأعز إنسان عندك إنك تقول لي وش صاير لا تكذب علي أرجوك
دكتور خالد نزل راسه في الأرض وبحزن : راكان أنت .......
راكان حس بصدمممه قووووووووووويه ويناظر الدكتور موب مصدق : دكتوور وش جالس تقوووول يا دكتور , دكتور أنت من جدك ولا تمزح
دكتور خالد بحزن : للأسف يا راكان هاذي الحقيقة , عن أذنك
راكان كان يبكي بصوت مسموع , ودكتور خالد حاول يهديه لكن الصدمة كانت أقوى كانت مثل الجبل على صدر راكان
ومافي إلا أبرة مهدىء , تهدي راكان عشان يريح .
نرجع لعايلتنا
في مجلس الرجاجيل
الجد : يا عيالي , اليوم أبي أكلمكم بموضوع مهم دامنا مجتمعين كلنا .
أبو الوليد : خير يبه ؟
الجد : إن شاء الله أنه خير , خلونا ندخل في الموضوع وبدون مقدمات , الوليد ولدي يبي يخطب بنت عمه جنى
ونواف ولدي يبي يخطب غلا
الجد : وش رايك يا أبو الوليد تناسب أخوك ؟
أبو الوليد مبسوط : والله جنى ونعم فيها وهاذي الساعة المباركة , بس نبي نسمع راي أبو فارس ؟
أبو فارس : والله يا أبو الوليد بنتنا , بنتكم , ولدكم الوليد ولدنا وتاخذ ولد عمهم أولى بها من الغريب .
الجد : يعني موافقين
أبو الوليد , وأبو فارس : على بركة الله .
الجد : وأنت يا أبو حلى وش رايك في نواف
أبو حلى بإبتسامة ويناظر نواف : نواف مثل ولدي اللي ما جبته في هالدنيا , رجال وشهم ونعم فيه ويستاهل غلا بنتي .
الجد : يعني موافق يا ولدي تزوج غلا لنواف
أبو حلى : على بركة الله .
الجد : وأنت يا ابو فارس وش رايك موافق
ابو فارس : طبعا ً موافق يبه وبعدين نواف ماراح يلاقي أحسن من بنت عمه غلا كامله والكامل الله سبحانه .
الجد : أجل أبي أكلم الحريم
راح الجد للصالة عند الحريم وطلب منهم يتغطون عشان الرجاجيل , يبون يجلسون مع بعض , وراحوا الرجاجيل للصالة
الجد : أسمعوا يا بناتي , أنا جمعتكم مع بعض لأن أبي أقول لتس يا أم فارس إن نواف ولدتس يبي يخطب بنت عمه غلا
وأبي أقولتس يا أم الوليد إن ولدتس الوليد يبي يخطب بنت عمه جنى .
وش قلتي يا أم حلى موافقه إن ولدتس يطلب يد بنتس غلا
أم حلى : والله يا يبه الراي راي البنت لازم ناخذ رايها
الجدة : أم حلى نادي البنات ينزلون تحت .
أم حلى : إن شاء الله
راحت أم حلى فوق وطلبت من البنات يتسترون وينزلون معها تحت بس ما كانوا يدرون وش السالفة وأستغربوا من التجمع
الجد : قول اللي عندك يا أبو فارس
أبو فارس : غلا يا بنتي , نواف يبي يخطبتس رسمي أنتي موافقه ولا , لأ
غلا فتحت ثمها وعيونها صاروا أربع من الصدممه ما توقعت
والبنات فاطسين من الضحك على شكل غلا , ونواف ينتظر الجواب
الجد : قولي رايتس يا بنتي مافي أحد غريب كلنا أهلتس هنآ موافقه على نواف
غلا بإحراج وبصوت واطي : موافقة وأطلقت العنان لرجليها وركبت فوق .
الجد : أبو الوليد , قول اللي عندك
أبو الوليد يناظرجنى : جنى وأنا عمتس ولدي الوليد يبي يخطبتس رسمي , موافقه
جنى كانت فرحانه لكنها مرتبكه : وبصوت أنوثي ساحر , موافقه
وغلا كانت عند الدرج تسمعهم وش يقولون
الجد : أجل بكرة الملكة إن شاء الله وعشى عائلي بينا وبين بعض هذا طلب نواف والوليد , وخلوا خسايركم وتجهزكم للعروس مره وحده .
ركبوا البنات فوق ورجعوا الرجاجيل للمقلط والحريم مبسوطين والزغاريد ماليه العزبة
عند البنات
نهى نطت على غلا : أختيييييييييييي مبرووووووووك وأخيرا
مابغيتوووو كلوووووليييش
وبعد غلا راحت لجنى وباركت لها
حلى تضم غلا وجنى : ألف , ألف , ألف مبروووك حبيباتي تستاهلون كل خير
مها : مبروووووووك صبايا ألف , ألف مبروووك وربي فرحنا لكم وعقبال إن شاء الله نهوي وحلى
نهى تناظر حلى : أقول حلى من اليوم بنشيل قشنا مانبي ننام مع مخطوبات .
جنى ومها وغلا : مالت علييييك هههههههههههههههه
حلى : شكله الكيك اللي اليوم جاب نتيجه
البنات : ههههههههههههههههههههههههههههههههههه .
غلا مرتبكه : صبايا وش ألبس بكرة .
نهى : ترى ماراح نسوي زي يوم خطوبة مها وفارس عشى عائلي بس
مها : طيب , بس لازم تلبس فستان ناعم
غلا : بنات تتذكرون الفستان الزهري السمبل اللي شريته ولا لبسته , هذا حلو ولا لأ
البنات : حلووو ناعم , ألبسيه بما أنه عشى عائلي بس
نهى : وأنتي جنوو عندك فستان ناعم .
جنى : عندي فستان لونه تفاحي فاتح
مها : أحسه حلوو
جنى : إيه حلوو وناعم مرره يعني لمناسبه زي كذا عشى عائلي .
حلى : وحنا بنتزقرت بالملابس اللي عندنا , لا تخافون يعني بنكشخ
البنات : هههههههههههههههههه
كان اليوم هذا حلو وأخيرا ً الحلم صار حقيقة الجو العائلي كان رووعه ومبسوطين لكن , داايم في هالدنيا ناس تفرح وناس تحزن محد كان حاس في راكان المسكين وحتى أهله ما يدرون باللي صار لراكان لكن هذا قدره ونصيبه في الدنيا ولازم يرضى فيه .
اليوم الثاني { ملكة نواف , والوليد }
الوليد ونواف كاشخين بالثوب والشماغ والجوتي الكؤؤشخه
والقلم والحركتااات وجالسين بمقلط الرجاجيل مع الشيخ ولازم يوقعون ولازم شهود وبطاقات وعارفين إجراءات الزواج
عند البنات فوق
غلا لابسه فستان وردي حلوو ناعم بدون أكمام وأسترج ع الجسم وله ذيل من ورى وحلى مسويه الميك آب لغلا وجنى لأن حلى ماشاء الله عليها فنانه بالمكياج وفنانه برسمة العين ودمج الألوان فاختارت لغلا لون الشدو الأسود عملت لها ميك آب دخاني طالع روعااا مع اللون الزهر والروج الزهري مع لمعة القلوس وبلشر باللون الزهر , أما شعر غلا عامله تسريحه بسيطه جايه بف ناعم مع قصه ع الجنب وكعكه من ورى طالعه كيووت وفيري سممبل كأنها تسريحة عصر الستينات . يعني غلا طااالعه خققققققه

أما جنى لابسه فستان سمبل باللون التفاحي بعد أسترج ع الجسم وله ذيل من ورى ومن عند الصدر فيه فصوص باللون السلفر وبدن أكمام ومراا حلوو , وحلى أختارت تدمج اللونين التفاحي مع السلفر وكان السلفر أكثر شويه من التفاحي طالع روووعه وبالنسبه للشعر كان مفتوح وويفي وحاطين لها ورده ع الجنب طالعه تخققققق .

مها كانت لابسه فستان لي تحت الركبه باللون الأبيض وفيه ورود باللون الموف الفاتح والأسود ولابسه كعب موفي وحاطه شادو باللون الموف الخفيف السمبل وروج نفس درجة الشدو والبلشر كذلك ومسويه عمله فرنسيه وحاطه ورده باللون المو ع الجنب طالعه تؤؤؤحفه

نهى لابسه فستان لتحت الركبه وجزمه وأنتوا بكرامه مريحه
الفستان لونه أسود وفيه حزام باللون الأحمر العريض عند البطن وكأنه فستان من عصور الستينات الموضه اللي كذا اللحين والجزمه لونها أحمر وبس رسمت عينها بالكحل وماسكرا وبلشر المايل للأحمر مجرد لمسه خفيفه ومسويه زي ذيل الحصان وبف من فوق وحاطه ورده حمره ع الجنب
لبى قلبها طااااالعه عجييييييييبه .

حلى الحلووة لابسه فستان لونه أصفر لي تحت الركبه وكعب أسود فيه فيونكه وحزام أسود عريض عند البطن ومسويه شعرها ويفي ع الجنب ولابسه تاج أصفر فيه فيونكه سوده خققق وحاطه ميك آب ناعم باللون الذهبي الخفيف السممبل وبلشر وقلوس طالعه تزنننن .

وجو أم حلى وأم الوليد فوق عشان ياخذون بناتهم وينزلونهم تحت
ونهى كانت تصور جنى وغلا
وحلى ومها ينثرون الورد على جنى وغلا
والحريم والجدة مبسوطين وزغاريطهم ماليه المكان << وأجواء حلووه صراااحه
دخلوا أبو حلى وأبو فارس عشان ياخذون بناتهم ويودونهم عند رجاجيلهم
أبو حلى دخل بنته عند نواف اللي كانوا في مقلط الحريم داخل
وأبو فارس دخل جنى عند الوليد في مقلط الرجاجيل << طبعا ً بعد ما طلعوا وكل واحد فيهم لبس مرته شبكتها
واتركوا المعاريس على راحتهم .
عند نواف وغلا
غلا كانت مستحيييه كثيير من نواف
نواف يرفع راس غلا بكل حُب : أبيك تناظريني ما أبيك تستحين مني يا غلا .
غلا رفعت راسها وصارت عينها في عين نواف , رغم البساطه إلا أنها كانت آيه في الجمااال
نواف بإبتسامة : وربي قمر ماشاء الله .
غلا أبتسمت لنواف إبتسامة خجل .
نواف : أحبــــك .

نشووف الأجواء الروماانتك عند الوليد وجنى
الوليد إيده في إيد جنى : مبسوووط يا جنى حاس إني أسعد واحد
جنى بإحراج : ليه ؟
الوليد بنظرة كلها حنان : يعني ما تعرفين ليه ؟ أخيرا ً صرتي حلالي مافي أي حواجز اللحين .
جنى تبتسم للوليد
الوليد : وربي عسسل طاالعه تجننييين
جنى : تسلم الوليد
الوليد مسوي نفسه زعلان
جنى : وش فيك ؟!
الوليد يناظر جنى : من اليوم ورايح مابيك تناديني بأسمي
جنى تضحك : أجل وش تبيني أقول لك ؟
الوليد : حبيبي
جنى المسكينه ساااحت ووجها صار ألوان
الوليد فاطس ضحك على شكل جنى
عند البنات طبعا ً عشان ما يصير ملل حاطين مسجل
ويرقصون .
نهى : سوينا ريااضه
مها : ههههههههههه والله على كثر ما رقصنا أحس إني جعت
حلى : أرجووكم لا تجيبون سيرة الأكل والله واااصله معي
أم عبد العزيز كانت طول الوقت تناظر نهى
وما تدري إن ولدها حاط عينه عليها من زماان << لكن هااانت .
أنتهى البارت وتمت خطوبة نواف وغلا , والوليد وجنى على خير .
باقي عبد العزيز ونهى , وطلال وحلى << تتوقعون راح تتم خطوبتهم عادية زي الباقيين ولا راح تكون في مشاكل
وراكان المسكين وش قصة وش قاله الدكتور خالد اللي قلب حاله كذا , تتوقعون حالته خطره ولا لأ , ونواف راح يدري بالموضوع
كل هالأسئلة أجوبتها في البارت 32 << لكن أبي منكم تخمين
أنتظروني في البارت القادم دمتوا بخير وسعاده








م خــرج



الحُب ذا قسمهـ ولا أنته ما تسمع


محبوبي مستني وأنتــه مأخـــرني

واللحين جا دور جنى جنى مرتبكه شوي وشي طبيعي نزلوها تحت خلوني أوصف لكم شكل جنى فستانها من عند الصدريه شك وكلاسيكي تقريبا ً زي فستان مها بس التصميم مختلف طبعا ً مكياجها سموك والروج الفوشيا الخاقوقي
وتسريحتها رفعه وبف وحاطين لها تاج صايره وكأنها ملكه طاالعه تهبببل جنى وحطوا لها الزفه


من صميم القلب قلت احلى القوافي
اتفنن في حروف اروع قصيده
للعروس اللي لابسهثوب الزفافي
جنى اللي بزينها صارت فريده
اسمها جنى والاسم كافي
لو صاغهاالصايغ ضيع نشيده
جنى عليها من الحسن والعفافي
شيء كبير اكبر من اننانجيده
كامله ومكمله بكل الاوصافي
مايزيدها الذهب لمعه هي تزيده
وجههاكالبدر منور وصافي
سبحان من خلا ملامحها فريده
بشوفها تحقق كلالاطيافي
والاحلام بشوفتها تصبح اكيده
فيها جمال الكون بكل الاصنافي
ياعسىايامها دايم سعيده
من شافها قال رحماك يامعافي
اشهد انها بزينها صارتفريده
من زينها شابت حروف القوافي
مالوم قصيدي لو وقف وريده
جنى بنت (( محمــد)) بنت الاشرافي
جنى غلاها بين القلب ووريده
ومعرسنا الوليد قدره عاليووافي
الوليد بالشجاعه نظرته بعيده
الوليد مثل الذهب ومعدنه صافي
الوليد الطيببقلبه دايم ربي يزيده
الوليد قدره فوق روس الأكتافي
الطيبه بقلب الوليد وربياكيده
وبختامها قلت احلى القوافي
اتفنن في حروف اروع قصيدة
للعروس الليلابسه ثوب الزفافي
جنى اللي بزينها صارت وحيده
وبعد هالقصيدة صارت تخطي جنى خطواتها في هالممر الطويل والناس منبهره بالجمال وكلن يقول سبحان اللي خلق هالجنى على هالجمال .
نروح شوي لفارس ومها اللي في جناحهم
مها جالسه على السرير ومرتبكه شوي
فارس جلس جنب مها وباس راسها
مها أبتسمت لفارس
فارس رفع راس مها : سبحان اللي خلقك أحلى من القمر
مها نزلت راسها منحرجه من فارس
فارس : وأخيرا ً يا مها , أخيرا ً صرنا تحت سقف واحد ماني مصدق .
مها : الحلم صار حقيقة يا فارس .
فارس يبوس يد مها : ما تتصورين وش كثر أنا فرحان مبسوط يا مها حاس إني اسعد إنسان في الدنيا .
نرجع لجنى اللي جالسه على الكوشه وتبتسم للموجودين بإبتسامة ساااحرة
الفنانة : تغطوا ياحريم بيدخل المعرس وأهله
دخل الوليد طبعا ً بعد ما غطوا جنى دخل مع أبوه وطلال وعيال عمه وعيال خواله وخواله
وصورهم صورة جماعية حلووة بعد ما طلعوا الرجاجيل شالوا الغطى عن جنى
الوليد باس راس جنى قدام الموجودين وجنى بغى يغمى عليها << والبنات فاطسين ضحك على شكل جنى وهي منحرجه
وغنوا للعروسين الحلوين خل بالك تزل عينك هنا ولا هنا ويلك ترا قلبي مو بس يغآر عليه غيره تهد ديار .
وطبعا ً العصير البارد اللي يبرد عليهم شوويه
بعد ما جلسوا شوي لازم يتفضلون المعازيم على العشى
وخلاص جنى والوليد بيطلعون والأغنية المعتادة اللي يغنونها للعروس << صراحه حلووه الأغنية هع
لولا دلالج ما تعنينا
طابت خواطرنا وغنينا
الله معاك يا جنى الله معاك
يا دانة الغواص تسري وراك
والوليد وجنى قبل يطلعون من القاعة سووا باي باي للكاميرا اللي تصورهم وراحوا فوق
في غرفة الوليد وجنى
جنى جالسة ع السرير
الوليد باس راس زوجته
جنى وجهها صار إشارة مرور من الإحراج
الوليد بنظرة كلها حناان ورومانسيه : ماني مصدق يا جنى حاس إني بطير من الفرحة .
جنى تضحك ضحكه هادية ورايقه
الوليد : يالبىىى هالضحكه وراعيتها , طالعه أحلى من القمر ملاااك
جنى بإحراج : شووكرا ً
الوليد حط يده على يد جنى : أمم تبيني أساعدك أشيل الطرحه شي
جنى : ياريت تساعدني تشيل معي هالمشابيص اللي في شعري
طبعا ً الوليد ماقصر ساعد جنى إنه يشيل عنها الطرحه
جنى تناظر الوليد
الوليد يبتسم : وش فيك ِ
جنى بإحراج : ممكن أغير هالفستان .
الوليد بالعمد جلس ع الكرسي : طيب
جنى : ممكن تخليني بلحالي .
الوليد يستهبل : ماني طالع .
جنى شوي وتصيح : الوليد بلييز
الوليد مييت ضحك : طيب , طرده من أول ليلة أخذي راحتك و إذا خلصتي افتحي لي الباب .
نرجع لمها وفارس اللي جالسين في الصالة يتعشون
فارس يأكل جنى بيديه
ومها نفس الشي
ونظرات الحب ملياانه المكان
نرجع للعرس
نهى : يجنننوووون يالبىىى قلوبهم مهوي وجنوو
حلى : إي والله ماشاءالله عليهم
غلا : ربي يسعدهم
حلى و نهى : آآآمين
نرجع للوليد وجنى
الوليد : سحب يد جنى وطلعها للصالة وجلسوا يتعشون
جنى كانت مرره مرتبكه على إنها تمووت في الوليد
لكن بعض البنات تزييد عندهم حالة الإرتباك في هالليلة
الوليد لاحظ على جنى الإرتباك : جنى يا قلبي وش فيك .
جنى تحاول تروق : مافيني شي الوليد
الوليد قرب من جنى : إلا فيك ِ شي
جنى أستحت من الوليد وبصوت مرتبك : خايفه
الوليد يبتسم لجنى : جنوو أنا الوليد حبيبك تخافين مني
فجأه صار صمت وقطع هالصمت صوت ضحكة الوليد الهااادية
جنى تناظر الوليد
الوليد يبتسم لجنى : إذا خايفه من إن يصير شي لا تخافين ماراح أضغط عليك ِ
جنى وكأن هم أنزاح
الوليد يستهبل : واللحين ناوية تذبحين نفسك وتذبحيني معاك ِ من الجووع .
جنى بإبتسامة : لا
كانت ليلة حلوووة ورايقة وليلة رومانسية رغم الخوف اللي في داخل جنى ومها مرت هالليلة على خير ولله الحمد
اليوم الثاني من زواج جنى والوليد ومها وفارس
راحوا المعاريس للعزبة وطبعا ً الجد مسوي الذبايح للغدى والأهل موجودين بمناسبة الصباحية
نهى : مبروووك يا عراايس
جنى ومها : الله يبارك فيكم
غلا : هاه كيف كانت ليلتكم ؟
جنى : كان بيغمى علي من الخوف أمس
البنات يضحكون على جنى
حلى : وأنتي مهوي كيف كانت ليلتك
مها : أول ما دخلنا الجناح خؤؤفت بس بعدين حسيت إني بديت أتأقلم
جنى : يلا غلوو شدي حيلك باقي على عرسك إسبوعين
غلا بإحراج : ربكم يسهلها إن شاءالله
الجدة : كيفكم يا عرايس
مها وجنى : بخير يا جدة
عند الرجاجيل
الجد : مبروووك يا معاريسنا
الوليد وفارس مبسوطيين : الله يبارك فيك يا جد
أبو الوليد : منكم المال ومنهم العيال
فارس والوليد : آآمين
طبعا ً كل عرايسنا راح يعيشون في بيوت لحالهم وطبعا ً هذا من حقهم عشان ياخذون حريتهم الشخصية .
طبعا ً حطوا الغدى وتغدوا الأهل وبعد هالغدى الطيب
جابوا الحلوو والقهوة والشاهي يعني بعد صلاة المغرب رجعوا العرايس مع أزواجهم لعش الزوجية J
عند البنات
حلى فيها الصيحة : وربي لهم وحششه
نهى : إي والله تعودنا عليهم .
غلا : مكانهم مبين بس قولوا ربي يسعدهم ويهنيهم
نهى وحلى : الله يهنيهم يارب
نروح لغرفة أم الوليد وأبو الوليد
أبو الوليد مبسوط : تطمنتي على ولدك وبنتك
أم الوليد مبسوطه : الحمدلله يا جعل ربي يسعدهم ويهنيهم ونشوف عيالهم .
أبو الوليد يبتسم : آآمييين .
مر الوقت بسرعه والأجواء كانت تملاها السعادة
نروح لبيت الوليد وجنى
الوليد خصر جنى : إن شاءالله ياجنوو بكره يجونا عيال ويملون هالبيت إزعااج
جنى تضحك : ليه كم ناوي أجيب لك , كم بزر
الوليد يستهبل : امم 1, 2, 3 , 4 , 5 , 6
جنى تضحك : بسسس
الوليد يعني ماقريتي وش مكتوب في القرآن : {{ المال ُ والبنون زينة ُ الحَياة ُ الدُنيا ْ }}
جنى أبتسمت للوليد : وش تبي بنت ولا ولد
الوليد : اللي يجي من الله حيااه الله
جنى ضمت الوليد : أحبك والله لا يحرمني منك .
الوليد يستهبل : آآآه يا قلبييي ترى بيغمى علي أرفقي يرحم والدييك .
جنى : ههههههه
الوليد أخذ زوجته وراحوا لغرفتهم .
نروح لمعاريسنا مها وفارس
مها وفارس جالسين بالصالة
فارس ساااكت ويناظر في عيون مها طوول الوقت
مها تضحك : فارس وش فيك
فارس حط يده على خده وللحين يناظر مها
مها تضحك : فرووس تراك تخووف وأنت تناظرني كذا
فارس : أحبك وش أسوي ؟
مها : وأنا أمووت فيك حبيبي .
فارس : لو إن متزوجك فهد ولد أبو فهد كان أنجنيت
مها رمت نفسها في حضن فارس : فروس لا تذكرني باللي راح وإن شاءالله مافي قوه في هالدنيا تفرق بيني وبينك .

يتبع ...